"ٶزبەگٸم-ٶز اعام" دەيدٸ قازاق. ٶزبەكستاندا كٶپتەگەن پروبلەمالار كٷن تەرتٸبٸندە تۇر:
بٸرٸنشٸ, ۆاليۋتالىق كوللاپس. ٶزبەكتٸڭ تٶل اقشاسى قۇر قاعاز بولىپ كەتتٸ, ال دوللار - شىرقادى. ٶزبەكستان شەت ەلدەردەن وزىق تەحنولوگييالار ساتىپ الا المايدى, قىمبات. كاپيتال قاشىپ جاتىر. باي ٶزبەكتەردٸڭ بٸرازى باتىس ەلدەرٸنە كەرٸموۆ وتباسىنىڭ وزبىرلىعىنان قاشسا, ەندٸ كەرٸموۆكە جاقىن ادامدار دا ميرزيياەۆتىڭ مينيسترلەرٸ مەن ەكٸمدەرٸنەن قاشپاق جەنە قاشىپ جاتىر. ٶزبەك قازىناسىندا تيٸستٸ رەزەرۆ جوقتىڭ قاسى.
ەكٸنشٸ, قول ەڭبەگٸ تىم ارزان, قول ەڭبەگٸنٸڭ ارزاندىعى جاڭا تەحنولوگييالارعا بٶگەت. ٶزبەكستاندا مٶلشەرٸ 33 ميلليون ادام تۇرادى. حالىقتىڭ تىم تەز ٶسۋٸ ٶزبەكستان ٷشٸن قاسٸرەت. حالىقتىڭ تىم تەز ٶسۋٸ ەكونوميكالىق جەنە ەلەۋمەتتٸك تاۋقىمەتتەرگە ەكەلدٸ. ولارعا ٷكٸمەت نە جۇمىس, نە ساپالى وقۋ, نە مەديتسينالىق كٶمەك كٶرسەتە الماي كەلەدٸ.
ٷشٸنشٸ, شيكٸزات باعاسى تىم ارزاندادى. ماقتا, گاز بەن ۋران باعاسى تٶمەندەپ كەتتٸ. قىشلاقتاردا جەر جەتٸسپەيدٸ, ەسٸرەسە سۋارمالى.
تٶرتٸنشٸ, نارىقتىق رەفورمالار تيٸس دەڭگەيدە جٷرگەن جوق. نارىقتىق ينستيتۋتتارى تيٸستٸ دەڭگەيدە ٸستەمەيدٸ, قۇرىلىمدىق ديسپروپورتسييالار كٷشتٸ. شٸركات ۇجىمدارى تيٸستٸ پەرمەن بەرمەي كەلەدٸ.
بەسٸنشٸ, بٷكٸل ٶزبەكستان قىشلاقتىق اگلومەراتسيياعا اينالدى. ٷي تۇرعىزاتىن جەر جوق, قالاعا قونىستانۋعا كٸرگٸزبەيدٸ - قاتاڭ پروپيسكا جٷيەسٸ. ال ٶزبەكستاننىڭ قالالارى قىشلاقتارعا اينالىپ بارا جاتقان سيياقتى.
التىنشى, 5 ميلليونداي ەركەك ٶزبەك رەسەيدە, تاعى 300 مىڭدايى قازاقستاندا جالشىلىقتا جٷر. ەركەك كٸندٸك جەتٸسپەيدٸ: پسيحولوگييالىق - جىنىستىق ديسپروپورتسييا كٷشەيدٸ. ٶزبەك قىشلاعىندا ەرەسەك دەنٸ ساۋ ەركەك كٸندٸك قالعان جوق. بۇل جاعداي 1941-1945 جىلدارداعى سوعىستان كەيٸنگٸ جاعدايدى كٶزگە ەلەستەتەدٸ.
جەتٸنشٸ, ٶزبەكستاننىڭ قازاعى قازاقستانعا قارقىندى كەلٸپ جاتىر. كەلەم دەۋشٸلەرگە ارنايى باعدارلاما كەرەك. قازاقتاردىڭ بٸرازى ٶزبەك پەن قاراقالپاق بولىپ ەكٸمشٸلٸك جولمەن جازىلىپ كەتكەن. ولاردى دا قازاقتىققا قايتارىپ قۇجاتىن جٶندەۋگە مۇرسات بەرۋ كەرەك. ونداي باعدارلامالارعا قارجى كەرەك. ٶزبەكستاننىڭ ورىسى مەن كورەيٸ رەسەيگە كەتٸپ جاتىر.
ٶزبەك حالقى تٶزٸمدٸ جەنە بايسالدى ۇلت. ەندٸ ميرزيياەۆ رەفورما جاسايمىن دەيدٸ. بٸراق الدىمەن ەكونوميكالىق رەفورمانى, كەيٸن ساياسي رەفورمانى جاساۋ كەرەك. جاڭا بيلٸك يگٸ ٶزگەرٸستەر جاسايمىز دەپ ۋەدە بەرۋدە. بۇل ۋەدەلەر ەر ٶزبەكتٸڭ جٷرەگٸنە ٷمٸت وتىن جاندىردى.
ەزٸمباي عالي
