قىرعىزستاننىڭ بۇرىنعى پرەزيدەنتٸ روزا وتۋنباەۆا قازاقستانمەن شەكاراداعى مەسەلەنٸ شەشۋ ٷشٸن پرەزيدەنتتەر دەڭگەيٸندە كەلٸسسٶز جٷرگٸزۋ كەرەك دەپ مەلٸمدەدٸ. ازاتتىقتىڭ قىرعىز رەداكتسيياسىنىڭ حابارلاۋىنشا, روزا وتىنباەۆا بۇل تۋرالى 13 قازاندا بٸشكەكتە "ەدٸل سايلاۋ ٷشٸن" قوزعالىسى ٶتكٸزگەن باسپاسٶز كونفەرەنتسيياسىندا ايتتى.
"ەڭ باستىسى, پرەزيدەنت تاراپىنان بٸرٸنشٸ قادام جاسالۋى تيٸس. پرەزيدەنت ٶزٸنٸڭ جاۋاپكەرشٸلٸگٸن سەزٸنەدٸ مە, بٸلەدٸ مە? تٸپتەن كەشٸرٸم سۇراماعان كٷننٸڭ ٶزٸندە, قازاقستان پرەزيدەنتٸنٸڭ بابىن تابۋ كەرەك" دەدٸ وتىنباەۆا ەكٸ ەل شەكاراسىندا قالىپتاسقان جاعدايعا قاتىستى.
وتىنباەۆانىڭ پەكٸرٸنشە, بۇل مەسەلە ٷكٸمەت دەڭگەيٸندە شەشٸلمەيدٸ.
قازاقستانمەن شەكارا مەسەلەسٸ 10 قازاندا, قىرعىزستان پرەزيدەنتٸ پرەزيدەنت المازبەك اتامباەۆ قازاقستان بيلٸگٸن ەلدٸڭ ٸشكٸ ٸسٸنە ارالاسىپ وتىر دەپ ايىپتاعان سوڭ قيىنداي تٷسكەن. قىرعىزستاننىڭ شەكارا قىزمەتٸنٸڭ مەلٸمەتٸنە قاراعاندا, قازاقستان شەكارادان ٶتكٸزۋ تەرتٸبٸن كٷشەيتكەن.
وسى اپتادا ەكٸ ەل ٷكٸمەتتەرٸ شەكاراداعى جاعدايعا قاتىستى بٸر-بٸرٸنە جاۋاپ مەلٸمدەمەلەرٸن جاساعان.
ال بٷگٸن قازاقستان ورتالىق سايلاۋ كوميسسيياسى قىرعىزستانداعى 15 قازاندا ٶتەتٸن پرەزيدەنت سايلاۋىنا جەكە مەملەكەت رەتٸندە باقىلاۋ جاسامايتىنىن مەلٸمدەگەن.
11 قازاندا قازاقستان ۇقك "مەملەكەتتٸك شەكارادا جوسپارلى شەكارا وپەراتسيياسى" باستالىپ, ادامداردى, كٶلٸكتەر مەن تاۋار جەنە جٷكتٸ تەكسەرۋ كٷشەيتٸلگەنٸن حابارلاعان.
13 قازاندا قىرعىزستاننىڭ مەملەكەتتٸك شەكارادان ٶتكٸزۋ پروتسەدۋراسى "بٸرشاما وڭتايلاندىرىلعانىن" مەلٸمدەدٸ.
