ۇلتتىق ستاتيستيكا بيۋروسىنىڭ مەلٸمەتٸنشە, ٶتكەن جىلى قازاقستاندا سۇلۋلىق سالاسىندا كٶرسەتٸلگەن قىزمەتتەردٸڭ كٶلەمٸ 127,3 ملرد تەڭگەنٸ قۇرادى. ونىڭ ەڭ ٷلكەن ٷلەسٸ شاشتاراز قىزمەتتەرٸنە تيەسٸلٸ - 67,5 ملرد تەڭگە. بۇل 2024 جىلمەن سالىستىرعاندا 5,3%-عا ارتىق, دەپ حابارلايدى ult.kz.
مانيكيۋر مەن پەديكيۋردٸ قوسا العاندا, كوسمەتيكالىق قىزمەتتەردٸڭ كٶلەمٸ 7,5 ملرد تەڭگەنٸ قۇرادى.
سۇلۋلىق سالوندارى كٶرسەتەتٸن ٶزگە دە قىزمەتتەردٸڭ كٶلەمٸ 52,3 ملرد تەڭگەگە جەتتٸ. ونىڭ ٸشٸندە ادامنىڭ ٶڭدەلمەگەن شاشىنا قاتىستى قىزمەتتەر دە بار.
سۇلۋلىق سالاسىنىڭ دامۋى قالالارمەن قاتار اۋىلدىق جەرلەردە دە بايقالادى. 2025 جىلى اۋىلدارداعى شاشتاراز قىزمەتتەرٸنٸڭ كٶلەمٸ 2024 جىلمەن سالىستىرعاندا 4,2%-عا ٶسٸپ, 34,3 ملرد تەڭگەگە جەتتٸ.
سونىمەن قاتار, اۋىلدىق جەرلەردە سۇلۋلىق سالوندارىنىڭ ٶزگە دە قىزمەتتەرٸنٸڭ كٶلەمٸ 1,9 ملرد تەڭگەنٸ, ال كوسمەتولوگييالىق قىزمەتتەردٸڭ كٶلەمٸ 814,9 ملن تەڭگەنٸ قۇرادى.
