قر ۇلتتىق بانك تٶراعاسى عالىمجان پٸرماتوۆ ٷكٸمەت وتىرىسىندا تەڭگە باعامىن تۇراقتاندىرۋ باعىتىنداعى شارالاردى اتادى, دەپ حابارلايدى قازاقپارات.
«گەوساياسي جاعدايدىڭ شيەلەنٸسۋٸ جەنە رەسەيگە قارسى سانكتسييالاردىڭ ەنگٸزٸلۋٸ بٸزدٸڭ ەكونوميكامىزعا دا ىقپالىن تيگٸزۋدە. رەسەي رۋبلٸنٸڭ ايتارلىقتاي ەلسٸرەۋٸ نەتيجەسٸندە قازاقستاننىڭ قارجى نارىعىنا جاسالاتىن قىسىم ٶسە تٷسۋدە.
سىرتقى كٷتپەگەن ٶزگەرٸستەردٸڭ تەرٸس سالدارىن بارىنشا ازايتۋ ٷشٸن ۇلتتىق بانك ينفلياتسييانىڭ ايتارلىقتاي ٶسۋ تەۋەكەلدەرٸن جەڭٸلدەتۋگە جەنە تەڭگەدەگٸ جيناقتاردى قورعاۋعا جەنە ەلدٸڭ التىنۆاليۋتا رەزەرۆتەرٸنٸڭ ورىندى جۇمسالۋىنا باعىتتالعان شارالار توپتاماسىن ٸسكە اسىرۋدا», - دەدٸ عالىمجان پٸرماتوۆ.
سونداي-اق, ول 24 اقپاندا ۇلتتىق بانك بازالىق ستاۆكانى 13,5%-عا دەيٸن كٶتەرۋ جٶنٸندە كەزەكتەن تىس شۇعىل شەشٸم قابىلداعانىن ەسكە سالدى.
«بۇل شەشٸم ۇلتتىق ۆاليۋتا مەن ينفلياتسييا دەڭگەيٸنە جاسالاتىن قىسىمدى تٶمەندەتۋگە, سونداي-اق تەڭگەدەگٸ اكتيۆتەردٸڭ ساقتالۋىنا باعىتتالدى.
ٷكٸمەتپەن بٸرگە بٸرلەسكەن ٸس-قيمىل جوسپارىن ٸسكە اسىرۋ تەز ارادا باستالىپ كەتتٸ. بيۋدجەت قاراجاتى ەسەبٸنەن جەكە تۇلعالاردىڭ تەڭگەدەگٸ دەپوزيتتەرٸ بويىنشا ٶتەماقى (سىيلىقاقى) ەسەپتەۋدٸ كٶزدەيتٸن تەڭگەدەگٸ سالىمداردى قورعاۋ باعدارلاماسى جارييالاندى.
بازالىق ستاۆكا ٶسكەننەن كەيٸن حالىقتىڭ تەڭگەدەگٸ سالىمدارى بويىنشا قازاقستاننىڭ دەپوزيتتەرگە كەپٸلدٸك بەرۋ قورى ۇسىنىس جاساعان شەكتٸ ستاۆكالار دا ٶستٸ.
قارجىلىق تۇراقتىلىق تەۋەكەلدەرٸن ەسكەرە وتىرىپ, ۇلتتىق بانك ٶتكەن اپتادا 176 ملن دوللارعا ۆاليۋتالىق ينتەرۆەنتسييا جٷرگٸزدٸ. بٸز ينتەرۆەنتسييالار تۋرالى اقپاراتتى جەدەل جارييا ەتەمٸز», - دەدٸ ۇلتتىق بانك تٶراعاسى.
