قورعانىس مينيسترلٸگٸ جامبىل وبلىسىندا زارداپ شەككەندەرگە كٶمەك كٶرسەتۋ مەسەلەلەرٸن شەشٸپ جاتىر, دەپ حابارلايدى "ۇلت اقپارات" ۆەدومستۆونىڭ سايتىنا سٸلتەمە جاساپ.
قورعانىس مينيسترٸنٸڭ ورىنباسارى گەنەرال-مايور مۇحامەدجان تالاسوۆ تاراز قالاسىنىڭ ەمدەۋ مەكەمەلەرٸن ارالادى. ول ستاتسيوناردا ەمدەلٸپ جاتقان ادامداردىڭ حال-جاعدايىمەن تانىستى.
مينيسترلٸكتٸڭ جۇمىس توبى قازا تاپقانداردىڭ وتباسىلارىمەن قاجەتتٸ جۇمىس جٷرگٸزۋدە. اتاپ ايتقاندا ولارعا زاڭنامادا بەلگٸلەنگەن تٶلەمدەر مەن جەڭٸلدٸكتەردٸ الۋ تەرتٸبٸ دە تٷسٸندٸرٸلەدٸ.
بۇدان باسقا, مۇحامەدجان تالاسوۆ زارداپ شەككەندەردٸڭ ەشقايسىسى نازاردان تىس قالمايتىنىن اتاپ ٶتتٸ.
«بٸز تيٸستٸ ٶتەماقىلار مەن جەردەماقىلاردى تٶلەۋگە بايلانىستى مەسەلەلەردٸ مٷمكٸندٸگٸنشە تەزٸرەك شەشۋ ٷشٸن قولدان كەلگەننٸڭ بەرٸن جاسايمىز. قاجەت بولعان جاعدايدا وتباسى مٷشەلەرٸنە جۇمىسقا ورنالاسۋعا كٶمەك كٶرسەتٸلەدٸ. سونداي-اق قازا تاپقانداردىڭ بالالارىنا قامقورلىق كٶرسەتەمٸز. بۇل رەتتە ولاردى قورعانىس مينيسترلٸگٸنٸڭ بٸلٸم بەرۋ ورىندارىنا وقۋعا قابىلداۋعا جەردەم كٶرسەتٸلەدٸ», – دەدٸ قورعانىس مينيسترٸنٸڭ ورىنباسارى.
