مەملەكەتتٸڭ يدەولوگيياسىن قالىپتاستىرىپ جٷرگەن ازاماتتاردىڭ, ٶزٸن سوتسيال-دەموكراتييالىق دەپ اتايتىن پارتييا اتىنان سايلانعان دەپۋتاتتاردىڭ ۆلكسم-نىڭ سيمۆولدارى بەينەلەنگەن ٷلكەن جيىندا ونىڭ ەندەرٸن شىرقاپ تۇرۋى, جۇمساقتاپ ايتساق, مەملەكەتتٸڭ بولمىسىنا, قازاقستان رەسپۋبليكاسىن قۇرۋعا نەگٸز بولعان قۇندىلىقتارعا قايشى.
بۇل كومسومولدىڭ, كومپارتييانىڭ شەكپەنٸنەن شىققان شەنەۋنٸكتەردٸڭ ۇلتتىڭ قۇندىلىقتارىن تولىق قابىلداي الماعانىن, ونىڭ نەگٸزگٸ يدەيالارى كپسس-تىڭ قاعيدالارىنا قايشى كەلەتٸنٸن تٷسٸنبەگەنٸن اڭعارتادى. ونىڭ ٷستٸنە, باسقاسىن بىلاي قويعاندا, پرەزيدەنتتٸڭ «رۋحاني جاڭعىرۋ» ماقالاسىندا, «ۇلت بٸرلٸگٸ» دوكتريناسىندا, «مەڭگٸلٸك ەل» يدەياسىندا قازاقستاننىڭ ٶز ۇلتتىق بٸرەگەيلٸگٸن قالىپتاسىرۋ مەسەلەسٸ, ونى نىعايتۋ ٷشٸن ٶتكەننٸڭ كەرٸتارتپا يدەولوگيياسىنان ارىلۋ تۋرالى كٶپ مەسەلە كٶتەرٸلٸپ, كٶپ ٸس-شارا جٷرٸپ جاتىر. شارانى ۇيىمداستىرۋشىلار بۇل شارانىڭ مەملەكەتتٸك باعدارلامالارعا قايشى كەلەتٸنٸن تٷسٸنبەگەن دە سىڭايلى.
قازاقستان حالقىنىڭ كٶپشٸلٸگٸ, سونىڭ ٸشٸندە ەسٸرەسە جاستار كسرو-نى قازاق حالقىن وتارلاۋدىڭ جالعاسى دەپ تانيدى. تاريح وقۋلىقتارىندا دا, جالپى مەملەكەتتٸك يستوريوگرافييادا دا وسىلاي ايتىلىپ جٷر. وسىنداي جاعدايدا وتارشىلدىقتىڭ جاعىمسىز سيمۆولى سانالاتىن ۇيىمنىڭ مەرەيتويىن ٷلكەن دەڭگەيدە تويلاۋ – مەملەكەتتٸك قىزمەتكەرلەردٸڭ حالىق پٸكٸرٸمەن ساناسپايتىنىن, حالىقتان الشاق ەكەنٸن ايعاقتايدى.
جالپى, سيمۆول مەسەلەسٸ – ٶتە نەزٸك مەسەلە. ادامدار سيمۆول ٷشٸن سوعىسىپ تا جاتادى. ەسٸرەسە, قازاقستان سيياقتى پوستكولونيالدى ەلدە وتارلاۋدىڭ بەلگٸسٸ سانالاتىن كەڭەستٸك بەلگٸلەردٸ قولدانۋدا وسىنى ەسكەرگەن جٶن.
مۇحتار سەڭگٸربايدىڭ فەيسبۋكتاعى جازباسىنان
