وسى جىلى تەلەفون الاياقتارى 6,1 مىڭنان استام ازاماتتى الداعان

فوتو: اشىق دەرەككٶز

باس پروكۋراتۋرا تەلەفون الاياقتارىنىڭ ەرەكەتتەرٸ مەن ولاردان قورعانۋدىڭ جاڭا تەسٸلدەرٸ تۋرالى ەسكەرتتٸ. ۆەدومستۆو مەلٸمەتٸنشە, بيىل تەلەفون الاياقتارىنىڭ قۇربانىنا اينالعان ازاماتتاردىڭ سانى 6,1 مىڭنان اسقان, دەپ حابارلايدى Ult.kz.

قۇزىرلى ورگاننىڭ حابارلاۋىنشا, الاياقتىق سحەمالار كٷردەلەنە تٷسكەنٸمەن, نەگٸزگٸ ەدٸس ٶزگەرٸسسٸز قالىپ وتىر. ەدەتتە جەبٸرلەنۋشٸنٸڭ تەلەفونىنا «1414» قىسقا نٶمٸرٸنەن SMS-كود كەلەدٸ. بۇدان كەيٸن الاياقتار مەملەكەتتٸك ورگان, بانك نەمەسە كۋرەرلٸك قىزمەت قىزمەتكەرٸ رەتٸندە حابارلاسىپ, سول كودتى ايتۋدى سۇرايدى.

وسىدان سوڭ ەكٸنشٸ قوڭىراۋ تٷسٸپ, قاسكٷنەمدەر ٶزدەرٸن بانك, پوليتسييا نەمەسە ۇقك-نٸڭ «قاۋٸپسٸزدٸك قىزمەتٸ» رەتٸندە تانىستىرادى. كەي جاعدايلاردا بايلانىس بەينەقوڭىراۋ ارقىلى دا جٷزەگە اسادى. الاياقتار الدىڭعى قوڭىراۋ جالعان بولعانىن ايتىپ, كودتىڭ كٶمەگٸمەن شوتتاعى قاراجات ەسەپتەن شىعارىلۋى نەمەسە نەسيە رەسٸمدەلۋٸ مٷمكٸن دەپ قورقىتادى.

سەنٸمگە كٸرگەن سوڭ ولار جەبٸرلەنۋشٸنٸ نەسيە رەسٸمدەۋگە جەنە اقشانى «قاۋٸپسٸز شوتقا» اۋدارۋعا كٶندٸرەدٸ. نەتيجەسٸندە قاراجات جىمقىرىلىپ, ازاماتتىڭ اتىنا الاياقتىق نەسيەلەر رەسٸمدەلەدٸ.

باس پروكۋراتۋرا مەلٸمەتٸنشە, بۇرىن «1414» نٶمٸرٸنەن SMS-كود الۋ ٷشٸن تەك تەلەفون نٶمٸرٸن ەنگٸزۋ جەتكٸلٸكتٸ بولعان. قازٸر بۇل جٷيەلەرگە قول جەتكٸزۋ تەك بيومەترييالىق اۋتەنتيفيكاتسييا (FaceID), ەلەكتروندىق تسيفرلىق قولتاڭبا نەمەسە eGov QR-كود ارقىلى جٷزەگە اسادى. 2025 جىلدىڭ جەلتوقسان ايىنان باستاپ اتالعان تالاپتاردى ەنگٸزبەگەن جٷيەلەر «1414» SMS-شليۋزٸنەن اجىراتىلعان.

باس پروكۋراتۋرا ازاماتتارعا مەملەكەتتٸك ورگاندار مەن بانكتەر ەشقاشان SMS-كودتاردى, كارتا دەرەكتەرٸن نەمەسە پارولدەردٸ سۇرامايتىنىن, «قاۋٸپسٸز شوت» دەگەن ۇعىمنىڭ جوق ەكەنٸن ەسكە سالدى. سونداي-اق كٷدٸكتٸ قوڭىراۋلار كەزٸندە جەكە دەرەكتەردٸ ٷشٸنشٸ تۇلعالارعا بەرمەۋگە جەنە كٷمەن تۋىنداعان جاعدايدا دەرەۋ بانككە نەمەسە ۋەكٸلەتتٸ ورگاندارعا جٷگٸنۋگە شاقىردى.

قۇزىرلى ورگان قازاقستاندىقتاردى قىراعى بولۋعا جەنە كيبەرگيگيەنا ەرەجەلەرٸن ساقتاۋعا ٷندەدٸ.