ورتالىق سايلاۋ كوميسسيياسى قازاقستان حالقى اسسەمبلەياسى مٷشەلەرٸنٸڭ داۋىس بەرۋٸنە ارنالعان بيۋللەتەندەردٸ دايىندايدى, دەپ حابارلايدى "ۇلت اقپارات".
«ورتالىق سايلاۋ كوميسسيياسى ٶز ٶكٸلەتتٸگٸ شەڭبەرٸندە پارلامەنت مەجٸلٸسٸنٸڭ دەپۋتاتتارىن سايلاۋ بويىنشا داۋىس بەرۋگە ارنالعان بيۋللەتەننٸڭ نىسانى مەن مەتٸنٸن بەلگٸلەيدٸ, ولاردى دايىندايدى. قازاقستان حالقى اسسەمبلەياسى سايلايتىن قر پارلامەنت مەجٸلٸسٸنٸڭ دەپۋتاتتارىنا داۋىس بەرۋگە ارنالعان سايلاۋ بيۋللەتەنٸنٸڭ سانى قر وسك-نىڭ 2018 جىلعى 23 تامىزداعى قاۋلىسىمەن بەكٸتٸلگەن. قحا سايلايتىن مەجٸلٸسٸنٸڭ دەپۋتاتتارىن سايلاۋ جٶنٸندەگٸ سايلاۋشىلار تٸزٸمٸنە اسسەمبلەيانىڭ بارلىق 504 مٷشەسٸ ەنگٸزٸلەدٸ. وسىعان بايلانىستى قاۋلى جوباسىندا سايلاۋشىلاردىڭ, ياعني قحا مٷشەلەرٸنٸڭ بٸر پايىزدىق رەزەرۆٸن قوسا العاندا دايىندالۋعا جاتاتىن سايلاۋ بيۋللەتەندەرٸنٸڭ سانى 509 دانا بولىپ بەلگٸلەنەدٸ. سايلاۋ بيۋللەتەنٸنٸڭ مەتٸنٸن بەكٸتۋ ۇسىنىلادى», - دەدٸ وسك مٷشەسٸ ەرلان داۋىلباەۆ بٷگٸنگٸ وتىرىستا.
سايلاۋ بيۋللەتەنٸنە مەملەكەتتٸك تٸلدە, تەرتٸپتٸك رەتپەن, تەگٸ مەن ەكەسٸنٸڭ اتى كٶرسەتٸلگەن بارلىق تٸركەلگەن كانديداتتار ەنگٸزٸلەدٸ.
«ورتالىق سايلاۋ كوميسسيياسىنىڭ اپپاراتى سايلاۋ بيۋللەتەندەرٸن 2021 جىلعى 9 قاڭتاردان كەشٸكتٸرمەي نۇر-سۇلتان قالاسىنىڭ سايلاۋ كوميسيياسىنا جەتكٸزەدٸ. سايلاۋ بيۋللەتەندەرٸ ورنالاسقان ٷي-جايعا مٶر باسىلادى. ول ٸشكٸ ٸستەر ورگاندارىنىڭ كٷزەتٸنە تاپسىرىلادى», - دەدٸ ول.
