Ortalyq sailaý komissiiasy Qazaqstan halqy Assembleiasy músheleriniń daýys berýine arnalǵan biýlletenderdi daiyndaidy, dep habarlaidy "Ult aqparat".
«Ortalyq sailaý komissiiasy óz ókilettigi sheńberinde Parlament Májilisiniń depýtattaryn sailaý boiynsha daýys berýge arnalǵan biýlletenniń nysany men mátinin belgileidi, olardy daiyndaidy. Qazaqstan halqy Assembleiasy sailaityn QR Parlament Májilisiniń depýtattaryna daýys berýge arnalǵan sailaý biýlleteniniń sany QR OSK-nyń 2018 jylǵy 23 tamyzdaǵy qaýlysymen bekitilgen. QHA sailaityn Májilisiniń depýtattaryn sailaý jónindegi sailaýshylar tizimine assembleianyń barlyq 504 múshesi engiziledi. Osyǵan bailanysty qaýly jobasynda sailaýshylardyń, iaǵni QHA músheleriniń bir paiyzdyq rezervin qosa alǵanda daiyndalýǵa jatatyn sailaý biýlletenderiniń sany 509 dana bolyp belgilenedi. Sailaý biýlleteniniń mátinin bekitý usynylady», - dedi OSK múshesi Erlan Daýylbaev búgingi otyrysta.
Sailaý biýlletenine memlekettik tilde, tártiptik retpen, tegi men ákesiniń aty kórsetilgen barlyq tirkelgen kandidattar engiziledi.
«Ortalyq sailaý komissiiasynyń apparaty sailaý biýlletenderin 2021 jylǵy 9 qańtardan keshiktirmei Nur-Sultan qalasynyń sailaý komisiiasyna jetkizedi. Sailaý biýlletenderi ornalasqan úi-jaiǵa mór basylady. Ol ishki ister organdarynyń kúzetine tapsyrylady», - dedi ol.
