ورتالىق سايلاۋ كوميسسيياسى سايلاۋدا قازاقستان حالقى اسسامبلەياسى اتىنان دەپۋتاتتىققا ٷمٸتكەرلەردٸڭ بيۋدجەت ەسەبٸنەن جابىلاتىن شىعىندارىن بەكٸتتٸ, دەپ حابارلايدى قازاقپارات.
«سايلاۋ زاڭناماسىنا سەيكەس, مەملەكەت كانديداتتارعا ٶز باعدارلامالارىمەن باق-قا شىعۋ ٷشٸن قاراجاتتىڭ تەڭ بٶلٸنۋٸنە كەپٸلدٸك بەرەدٸ. ٷمٸتكەرلەردٸڭ بۇقارالىق اقپارات قۇرالدارىنا شىعۋى ٷشٸن قاراجات بٶلۋ تەرتٸبٸ مەن كٶلەمٸن ورتالىق سايلاۋ كوميسسيياسى ايقىندايدى. قاۋلىعا سەيكەس, باق-تا ٶز باعدارلامالارىمەن سٶز سٶيلەۋ ٷشٸن ٷمٸتكەرگە قاراجات بٶلۋ كٶزدەلگەن. قاراجات مىنا ماقساتتا بٶلٸنەدٸ: تەلەديداردا - 15 مينۋت, راديودا-10 مينۋت, مەرزٸمدٸ باسپاسٶز باسىلىمدارىندا نەمەسە جەلٸلٸك باسىلىمداردا ەكٸ ماقالا جارييالاۋ ٷشٸن - 0,1 باسپا پاراعىنان ارتىق بولماۋى كەرەك», - دەدٸ بٷگٸنگٸ وتىرىستا ورتالىق سايلاۋ كوميسسيياسىنىڭ حاتشىسى سابيلا مۇستافينا.
ونىڭ ايتۋىنشا, سايلاۋ تۋرالى كونستيتۋتسييالىق زاڭعا سەيكەس, رەسپۋبليكالىق بيۋدجەت قاراجاتىنان كانديداتتاردىڭ سايلاۋ الدىنداعى جارييا ٸس-شارالاردى ٶتكٸزۋگە, ٷگٸت ماتەريالدارىن شىعارۋعا ارنالعان شىعىندارى, ورتالىق سايلاۋ كوميسسيياسى بەلگٸلەيتٸن مٶلشەردە كٶلٸك شىعىندارى ٶتەلەدٸ.
«ورتسايلاۋكوم مٷشەلەرٸ قحا مٷشەلەرٸ داۋىس بەرەتٸن مەجٸلٸس سايلاۋىندا رەسپۋبليكالىق بيۋدجەت قاراجاتىنان ٶتەلەتٸن كانديداتتاردىڭ شىعىندار مٶلشەرٸن بەلگٸلەۋ تۋرالى قاۋلى قابىلدادى. قاۋلىدا كانديداتتىڭ 870 000 تەڭگە كٶلەمٸندە, ونىڭ ٸشٸندە: تەلەديدار مەن راديودا باعدارلامالارمەن سٶز سٶيلەۋگە, سونداي-اق مەرزٸمدٸ باسپا باسىلىمدارىندا 2 ماقالا جارييالاۋعا - 590 000 تەڭگە سوماسىندا, سايلاۋ الدىنداعى جارييا ٸس-شارالاردى ٶتكٸزۋگە جەنە ٷگٸت ماتەريالدارىن شىعارۋعا - 130 000 تەڭگە سوماسىندا, كٶلٸك شىعىستارىنا - 150 000 تەڭگە سوماسىندا شىعىندار بەلگٸلەنگەن», - دەدٸ ول.
