قر ورتالىق سايلاۋ كوميسسيياسى سايلاۋ زاڭناماسىن تٷسٸندٸرۋدٸڭ تٷپكٸلٸكتٸ سۋبەكتٸ ەمەس. بۇل تۋرالى قر وسك مٷشەسٸ ەرلان داۋىلباەۆ ايتتى, دەپ حابارلايدى قازاقپارات.
ونىڭ ايتۋىنشا, ورتالىق سايلاۋ كوميسسيياسى سايلاۋ تۋرالى زاڭناماعا ٶز بەتٸنشە تٷسٸنٸكتەمە بەرۋگە; ٶز بەتٸنشە قانداي دا بٸر تٷسٸندٸرۋلەر جاساماي, سايلاۋ تۋرالى زاڭنامانى تٷسٸندٸرۋدٸ ۇيىمداستىرۋعا; سايلاۋ زاڭناماسىنىڭ جەكەلەگەن ەرەجەلەرٸن ٶزگە زاڭدار تۇرعىسىنان تٷسٸندٸرۋ ٷشٸن باسقا مەملەكەتتٸك ورگاندارعا جٷگٸنۋگە قۇقىعى بار.
«وسى ٷش اسپەكتٸنٸ ەسكەرە وتىرىپ, مىناداي قورىتىندى جاساۋعا بولادى. وسك سايلاۋ زاڭناماسىن تٷسٸندٸرۋ بويىنشا جالعىز جەنە تٷپكٸلٸكتٸ سۋبەكتٸ ەمەس, كەرٸسٸنشە «ٷيلەستٸرۋشٸ» نەمەسە «ۇيىمداستىرۋشى» رٶلٸن اتقارادى. وسك-نىڭ سايلاۋ زاڭناماسىن تٷسٸندٸرۋ اياسىندا «قۇقىقتىق اكتٸلەر تۋرالى» زاڭ كوميسسيياعا ٶزٸنٸڭ نورماتيۆتٸك قۇقىقتىق قاۋلىلارىن عانا رەسمي تٷسٸندٸرۋ جٶنٸندە ٶكٸلەتتٸكتەر بەرەدٸ», - دەدٸ ەرلان داۋىلباەۆ كوميسسييا وتىرىسىندا.
سونىمەن قاتار ول ۇيىمداستىرۋشى رٶلٸندە بولا وتىرىپ, وسك ٶزٸنٸڭ نورماتيۆتٸك قۇقىقتىق قاۋلىلارى بويىنشا رەسمي تٷسٸندٸرمە بەرۋ ٷشٸن ۋەكٸلەتتٸ مەملەكەتتٸك ورگانداردىڭ ۇستانىمىن الدىن الا سۇراتۋعا قۇقىلى ەكەنٸن باسا ايتتى.
«بۇل رەتتە, وسك زاڭداردىڭ, سونىڭ ٸشٸندە سايلاۋ تۋرالى كونستيتۋتسييالىق زاڭنىڭ نورمالارىنا رەسمي تٷسٸندٸرمە بەرۋگە قۇقىلى ەمەس. وسك اپپاراتى ٶز قۇزىرەتٸ شەگٸندە سايلاۋعا بايلانىستى قوعامدىق قاتىناستاردى رەتتەيتٸن نورماتيۆتٸك قۇقىقتىق اكتٸلەرگە تەك ناقتى سۋبەكتٸلەرگە قاتىستى نەمەسە ناقتى جاعدايعا قاتىستى بەيرەسمي تٷسٸنٸكتەمە بەرە الادى», - دەدٸ قر وسك مٷشەسٸ.
