قىرعىزستاندا 10 قاڭتاردا پرەزيدەنت سايلاۋى جەنە مەملەكەتتٸك باسقارۋ فورماسىن انىقتايتىن رەفەرەندۋم ٶتتٸ. ساعات 22:00-گە دەيٸن سانالعان داۋىستىڭ الدىن الا نەتيجەسٸنە قاراعاندا, سايلاۋشىلاردىڭ 38,70 پايىزى عانا داۋىس بەرگەن. داۋىس بەرۋگە قۇقىلى 3 563 574 ادامنىڭ تەك 1 581 569-ى سايلاۋ ۋچاسكەسٸنە كەلگەن.
پرەزيدەنت سايلاۋىنىڭ الدىن الا نەتيجەلەرٸ بويىنشا, سادىر جاپاروۆ 79,24 پايىزبەن الدا كەلەدٸ. جاپاروۆقا نەگٸزگٸ باقتالاس دەلٸنگەن اداحان مادۋماروۆ 6,71 پايىز العان. ٷشٸنشٸ ورىندا 2,35 پايىز داۋسى بار بابىرجان تٶلباەۆ تۇر. قالعان 12 ٷمٸتكەردٸڭ كٶبٸ 1 پايىزدان اسا الماعان.
ال مەملەكەتتٸك باسقارۋ فورماسىن ٶزگەرتۋ تۋرالى رەفەرەندۋم بويىنشا سادىر جاپاروۆ كومانداسىنىڭ ۇسىنىسى – پرەزيدەنتتٸك باسقارۋدى قالايتىندار باسىم تٷسكەن. قاتىسقانداردىڭ 81,27 پايىزى بارلىق بيلٸكتٸ پرەزيدەنت قولىنا تاپسىرۋعا كەلٸسكەن. پارلامەنتتٸك باسقارۋ فورماسىن قولداعاندار 10,82 پايىز, ەكەۋٸنە دە قارسىلار 4,42 پايىز بولعان.
بۇل - قىرعىزستانداعى سايلاۋدىڭ سوڭعى قورىتىندىسى ەمەس. ورتالىق سايلاۋ كوميسسيياسىنىڭ تٶرايىمى نۇرجان شايلدابەكوۆانىڭ ەلەكتروندى تٷردە بەرٸلگەن داۋىستىڭ (حالىقتىڭ باسىم بٶلٸگٸ وسى فورماتتى تاڭداعان – رەد.) 96 پايىزى سانالعان. قاعاز جٷزٸندە جەشٸككە سالىنعانداردىڭ ەسەبٸ ەلٸ بەلگٸسٸز.
- بىلتىر 4 قازاندا قىرعىزستاندا ٶتكەن پارلامەنت سايلاۋىنىڭ قورىتىندىسىمەن كەلٸسپەگەن جۇرت كٶشەلەردە نارازىلىق ٶتكٸزٸپ, مۇنىڭ سوڭى مەملەكەتتٸك عيماراتتاردى باسىپ الۋعا, ساياسي داعدارىسقا الىپ كەلگەن. حالىق نارازىلىعىنان سوڭ ٷكٸمەت تە, پرەزيدەنت سوورونباي جەەنبەكوۆ تە وتستاۆكاعا كەتكەن.
- ساياسي قارسىلاسىن ۇرلاپ ەكەتكەنٸ ٷشٸن قاماۋدا وتىرعان سادىر جاپاروۆتى نارازىلىققا شىققان جۇرت 5 قازاندا تٷرمەدەن بوساتقان. كەيٸن پارلامەنت مٷشەلەرٸ ونى پرەمەر-مينيستردٸڭ مٸندەتٸن اتقارۋشى ەتٸپ تاعايىندادى. جەەنبەكوۆ ورنىنان كەتكەن سوڭ ول پرەزيدەنت مٸندەتٸن دە قوسا اتقارۋعا كٶشكەن. كەيٸن ول پرەزيدەنت سايلاۋىنا تٷسۋ ٷشٸن ۋاقىتشا پرەزيدەنتتٸكتەن باس تارتقان.
- ەل باسقارۋ فورماسىن قازٸرگٸ پارلامەنتتٸك ٷلگٸدەن پرەزيدەنتتٸك ٷلگٸگە كٶشٸرۋ ۇسىنىسىن دا سادىر جاپاروۆ ۇسىنعان.
قر وسك باسشىسى كەلتٸرگەن الدىن الا مەلٸمەتتەرگە سەيكەس, قىرعىزستان پرەزيدەنتتٸگٸنە ٷمٸتكەرلەر جيناعان سايلاۋشىلار داۋىسىنىڭ پايىزى كەلەسٸدەي:
جاپاروۆ سادىر – 79,24%
يساەۆ كاناتبەك – 0,58%
ارستانبەك مىكتىبەك – 1,63%
سوورونكۋلوۆا كلارا – 0,96%
تاشوۆ يماميدين – 1,19%
تاگاەۆ راشيد – 0,00%
سەگيزباەۆ ابديل – 1,43%
مادۋماروۆ اداحان - 6,71%
كاسەنوۆ ايمەن – 0,89%
كوچكوروۆ ۋلۋكبەك – 0,7%
بايگۋتتيەۆ جەنيشبەك – 0,09%
اباكيروۆ ەلدار – 0,46%
اسانوۆ كۋرسان – 0,49%
ابدىلداەۆ ارستانبەك – 0,08%
دجەەنبەكوۆ راۆشان – 0,19%
كالماماتوۆ باكتىبەك – 0,51%
تولباەۆ بابىرجان – 2,35%
يماناليەۆ كانىبەك – 0,16%
بارلىعىنا قارسى – 1,29%.
ايتا كەتكەن جٶن, قر پرەزيدەنتتٸگٸنە ٷمٸتكەر سايلاۋدا جەڭٸسكە جەتۋ ٷشٸن 50%-دان استام داۋسىن جيناۋى كەرەك.
