قاراعاندى وبلىسىنىڭ وساكاروۆ اۋدانىنىڭ اتاۋى ٶزگەرەدٸ, دەپ حابارلايدى "ۇلت اقپارات" مەدەنيەت جەنە سپورت مينيسترلٸگٸ باسپاسٶز قىزمەتٸنە سٸلتەمە جاساپ.
جەرگٸلٸكتٸ تۇرعىندار جيىرما جىل بويى «سارىبەل» تاريحي اتاۋىن قايتارۋ مەسەلەسٸن كٶتەرٸپ كەلگەن بولاتىن. بٷگٸن قر ٷكٸمەتٸ جانىنداعى رەسپۋبليكالىق ونوماستيكا كوميسسيياسى وسى مەسەلەگە بايلانىستى بٸراۋىزدان وڭ شەشٸم قابىلدادى.
سونىمەن قاتار شىمكەنت قالاسى ەكٸمدٸگٸنٸڭ جاڭا اۋدانعا «تۇران» اتاۋىن بەرۋ تۋرالى ۇسىنىسى دا قولداۋ تاپتى. ودان بٶلەك كوميسسييا مٷشەلەرٸ مەملەكەتتٸك مەنشٸكتەگٸ بٸرقاتار وبەكتٸگە اتاۋ بەرۋ جەنە قايتا اتاۋ تۋرالى ۇسىنىسقا وڭ قورىتىندى بەردٸ.
«قوعامدا ونوماستيكا مەسەلەلەرٸنٸڭ ەلەۋمەتتٸك ماڭىزى زور. بارلىق ۇسىنىستار ساراپتامالىق جەنە عىلىمي ورتا ٶكٸلدەرٸنٸڭ, سونداي-اق جەرگٸلٸكتٸ تۇرعىنداردىڭ قاتىسۋىمەن قارالادى. سوڭعى ۋاقىتتا كوميسسييا بٸرٸنشٸ كەزەكتە ازاماتتاردىڭ پٸكٸرٸن ەسكەرٸپ, بٸرقاتار ماڭىزدى شەشٸمدەر قابىلدادى», - دەدٸ مەدەنيەت جەنە سپورت مينيسترٸ دەۋرەن اباەۆ.
