Qaraǵandy oblysynyń Osakarov aýdanynyń ataýy ózgeredi, dep habarlaidy "Ult aqparat" Mádeniet jáne sport ministrligi baspasóz qyzmetine silteme jasap.
Jergilikti turǵyndar jiyrma jyl boiy «Sarybel» tarihi ataýyn qaitarý máselesin kóterip kelgen bolatyn. Búgin QR Úkimeti janyndaǵy respýblikalyq onomastika komissiiasy osy máselege bailanysty biraýyzdan oń sheshim qabyldady.
Sonymen qatar Shymkent qalasy ákimdiginiń jańa aýdanǵa «Turan» ataýyn berý týraly usynysy da qoldaý tapty. Odan bólek komissiia músheleri memlekettik menshiktegi birqatar obektige ataý berý jáne qaita ataý týraly usynysqa oń qorytyndy berdi.
«Qoǵamda onomastika máseleleriniń áleýmettik mańyzy zor. Barlyq usynystar saraptamalyq jáne ǵylymi orta ókilderiniń, sondai-aq jergilikti turǵyndardyń qatysýymen qaralady. Sońǵy ýaqytta komissiia birinshi kezekte azamattardyń pikirin eskerip, birqatar mańyzdy sheshimder qabyldady», - dedi Mádeniet jáne sport ministri Dáýren Abaev.
