الماتى وبلىسىنداعى قاپشاعاي سۋ قويماسىنىڭ ماڭىنان كەمەلەتكە تولماعان قىزدىڭ ٶرتەنگەن دەنەسٸ تابىلدى, دەپ حابارلايدى Ulysmedia.kz.
وبلىستىق پوليتسييا دەپارتامەنتٸنٸڭ دەرەگٸنشە, 2005 جىلى تۋعان قىزدىڭ جوعالعانى تۋرالى ارىز 27 مامىردا كەلٸپ تٷسكەن. اناسى قىزىنىڭ 24 مامىر كٷنٸ ٷيدەن شىعىپ, قايتىپ ورالماعانىن ايتقان.
قىزدىڭ قايدا ەكەنٸن انىقتاۋ ٷشٸن جەدەل-تەرگەۋ توبى قۇرىلعان. توپ قىزدىڭ جوعالۋىنا قاتىسى بولۋى مٷمكٸن ازاماتتاردى انىقتاعان. ولار – 1992 جىلى تۋعان ك. ەسٸمدٸ جەنە 2001 جىلى تۋعان ب. ەسٸمدٸ ازاماتتار. ەكەۋٸ قىزبەن جوعالىپ كەتكەن كٷنٸ كٶشەدە تانىسقان.
الماتى وبلىسىنىڭ تۇرعىندارى قىزدى ٶلتٸرگەندەرٸن مويىنداپ, قاپشاعاي سۋ قويماسى ماڭىندا جەرلەگەن ورىندى كٶرسەتكەن. ەر ادامدار قىلمىس ٸزٸن جاسىرۋ ٷشٸن مەيٸتتٸ ٶرتەپ جٸبەرگەن.
قىزدىڭ نە سەبەپتٸ ٶلگەنٸن انىقتاۋ ٷشٸن سوت-مەديتسينالىق ساراپتاما تاعايىندالعان.
