قازاقستان مەن ٶزبەكستان كەلەسٸ جىلدىڭ باسىندا Silk visa ورتاق قىزمەتٸن ٸسكە قوسۋدى جوسپارلاپ وتىر. بۇل تۋرالى تٸلشٸلەرمەن كەزدەسۋ بارىسىندا ٶزبەكستان رەسپۋبليكاسى مەملەكەتتٸك تۋريزم كوميتەتٸ تٶراعاسىنىڭ بٸرٸنشٸ ورىنباسارىنىڭ مٸندەتٸن اتقارۋشى ۇلىقبەك قاسىمقوجاەۆ مەلٸم ەتتٸ, دەپ حابارلايدى "ۇلت اقپارات".
ونىڭ ايتۋىنشا, ۆيزا ورتالىق ازييا ايماعىنا شەتەلدٸك تۋريستەردٸ بٸرلەسٸپ تارتۋ جەنە بۇل مارشرۋتتى ەيگٸلەۋ ٷشٸن ەنگٸزٸلٸپ وتىر. الدىن الا بولجامعا سەيكەس, «Silk visa» ٶز جۇمىسىن الداعى جىلدىڭ اقپان ايىندا باستايدى.
«بٸزدٸڭ باعالاۋىمىزشا, بۇل قىزمەت 2019 جىلدىڭ اقپانىندا ٸسكە قوسىلادى. «Silk visa» جوباسى ەكٸ ەلدٸڭ ۆەدومستۆولارىندا كەلٸسٸلگەن. ەندٸ ونىڭ تەحنيكالىق تۇسىن جەنە جابدىقتارىن كەلٸسۋ مەسەلەلەرٸ قالىپ وتىر», - دەدٸ ۇ.قاسىمقوجاەۆ.
ول سونداي-اق بٸرلەسكەن ۆيزاعا قىرعىزستان مەن تەجٸكستان قىزىعۋشىلىق تانىتىپ وتىرعانىن اتاپ ٶتتٸ. بۇل رەتتە, قازاقستاندىق تاراپ بۇل جوباعا ەزەربايجان مەن تٷركييا ەلدەرٸن تارتپاق.
ەسكە سالا كەتەيٸك, بيىلعى جىلدىڭ ماۋسىم ايىندا قر سەناتىنىڭ حالىقارالىق قاتىناستار, قورعانىس جەنە قاۋٸپسٸزدٸك كوميتەتٸنٸڭ تٶرايىمى داريعا نازارباەۆا ورتالىق ازييانىڭ بٸرىڭعاي ۆيزاسىن ەنگٸزۋدٸ ۇسىندى.
