مەملەكەت باسشىسى قاسىم-جومارت توقاەۆ پرەمەر-مينيسترگە «ورتالىق ازييا» حالىقارالىق ساۋدا ورتالىعىن تەزٸرەك سالۋدى تاپسىردى, دەپ حابارلايدى قازاقپارات.
«ازىق-تٷلٸك قاۋٸپسٸزدٸگٸ مەسەلەسٸ ٶزەكتٸ بولا تٷستٸ. ول مەسەلەنٸ تەحنولوگيياسى جوعارى اۋىل شارۋاشىلىعىنسىز جەنە بەسەكەگە قابٸلەتتٸ ٶڭدەۋشٸ ٶندٸرٸسسٸز شەشۋ مٷمكٸن ەمەس. بۇل – اكسيوما. بىلتىرعى 11 ايدىڭ ٸشٸندە ازىق-تٷلٸك يمپورتىنىڭ كٶلەمٸ 3,6 ملرد دوللارعا جەتتٸ. بۇل كٶرسەتكٸش 2019 جىلعى (12 ايلىق) كٶرسەتكٸشتٸڭ ٶزٸنەن 9 پايىزبەن وزىپ كەتٸپ وتىر. ونىڭ ٷستٸنە اٶك-تى دامىتۋدىڭ 2017-2021 جىلدارعا ارنالعان مەملەكەتتٸك باعدارلاماسى شەڭبەرٸندەگٸ دەكلاراتسييالانعان كٶرسەتكٸشتەرگە ەلٸ دە جەتە الماي كەلەمٸز. بىلتىر حالىقتىڭ تابىسى ازايعان كەزدە ازىق-تٷلٸك باعاسى كەرٸسٸنشە قىمباتتاي بەردٸ. مەملەكەتتٸك ورگانداردىڭ باعالاردى ساقتاپ قالۋ بويىنشا شارالارى, سونداي-اق ساۋدا جەلٸلەرٸنە جەڭٸلدەتٸلگەن نەسيە بەرۋ – وڭ نەتيجە بەرگەن جوق. ەلەۋمەتتٸك ماڭىزى بار ازىق-تٷلٸكتٸڭ باعاسى 11 پايىزعا ارتتى. جالپى ينفلياتسييانىڭ ٸشٸندەگٸ ولاردىڭ ٷلەسٸ – 60 پايىزعا جەتتٸ. ٷكٸمەت نارىقتىق مەحانيزمدٸ نەگٸزگە الا وتىرىپ, جوعارىدا اتالعان مەسەلەنٸ شەشەتٸن شارالاردى قابىلداۋى كەرەك», - دەدٸ قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىندا.
پرەزيدەنت ٶز سٶزٸندە 24 جاپپاي تاراتۋ ورتالىقتارىن ٸسكە قوسۋدان تۇراتىن ۇلتتىق تاۋار ٶتكٸزۋ جٷيەسٸن تەزٸرەك جولعا قويۋدى جٷكتەدٸ.
«قازٸرگٸ تاڭدا كٶكٶنٸستٸڭ 90 پايىزىن ٶزبەكستاننان يمپورتتاپ وتىرمىز. سونىمەن قاتار بۇل مەملەكەتتٸڭ رەسەيمەن ساۋدا قارىم-قاتىناسى دا بٸزدٸڭ ەلدٸڭ اۋماعى ارقىلى ٶتەدٸ. وسىعان بايلانىستى «ورتالىق ازييا» حالىقارالىق ساۋدا-ەكونوميكالىق ورتالىعىنىڭ جوباسى جارييالانعان ەدٸ. بۇل ورتالىق بيزنەسكە تۇراقتى تٷردە اقشا تابۋعا كٶمەكتەسۋٸ كەرەك. ال مەملەكەت ول ارقىلى بيۋلدجەتتٸ تولىقتىرۋى تيٸس», - دەدٸ ول.
قاسىم-جومارت توقاەۆ بۇل باستامانى كەزٸندە ەلباسىنىڭ ٶزٸ تاپسىرعانىن, بٸراق 3 جىلدىڭ ٸشٸندە كەلٸسسٶزگە قول قويۋدان باسقا ەشتەڭە ٸستەلمەگەنٸن مەلٸم ەتتٸ.
«پرەمەر-مينيستر بۇل مەسەلەنٸ جەكە باقىلاۋىنا الىپ, بۇل ورتالىقتى قۇرۋ ٸسٸن تەزدەتۋٸ كەرەك. ول جٶنٸندەگٸ قابىلدانعان شارالار جايلى بٸر ايدىڭ ٸشٸندە اقپارات بەرٸڭدەر», - دەدٸ ول.
