جىل سوڭىنا دەيٸن تٶتەنشە جاعدايلار مينيسترلٸگٸنٸڭ قىزمەتكەرلەرٸ ٶرت قاۋٸپسٸزدٸگٸ ماقساتىندا 2 ملن ٷيدٸ ارالاپ شىعادى. بۇل تۋرالى قر تجم ٶرتكە قارسى قىزمەت كوميتەتٸنٸڭ تٶراعاسى نۇربولات دەربٸسوۆ ايتىپ بەردٸ, دەپ حابارلايدى قازاقپارات.
«جىل سايىن جىلىتۋ كەزەڭٸ تۇرعىن ٷي سەكتورىندا ٶرت-پروفيلاكتيكالىق ٸس-شارالارىنان باستالادى. ٶتكەن جىلدارى بۇل جۇمىسقا تەك تجم جەنە پوليتسييا قىزمەتكەرلەرٸ جۇمىلدىرىلدى. ال 2019 جىلدان باستاپ تجم باستاماسى بويىنشا حالىقتىڭ ەلەۋمەتتٸك وسال توپتارىنىڭ, جەتٸم بالالاردىڭ, كٶپبالالى وتباسىلاردىڭ ٷيلەرٸنە بارۋ ەكٸمدٸكتەردٸڭ ەلەۋمەتتٸك قورعاۋ قىزمەتتەرٸنٸڭ ٶكٸلدەرٸمەن بٸرلەسٸپ جٷزەگە اسىرىلۋدا», - دەدٸ ن. دەربٸسوۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ونىڭ ايتۋىنشا, 15 تامىزدان 15 قىركٷيەككە دەيٸن ٶرت قاۋٸپسٸزدٸگٸ اكتسيياسىنىڭ I-كەزەڭٸ ٶتكەن. وندا ەكٸمدٸك ٶكٸلدەرٸمەن بٸرلەسٸپ, حالىقتىڭ ەلەۋمەتتٸك وسال توپتارىنىڭ, كٶپبالالى وتباسىلاردان شىققان بالالاردىڭ, جەتٸم بالالاردىڭ ٷيلەرٸنە بارىپ, قاجەتتٸ كٶمەك كٶلەمٸ انىقتالعان.
ال 15 قىركٷيەكتەن 15 قازانعا دەيٸن اكتسييانىڭ II كەزەڭٸندە تج تۋىنداۋ قاۋپٸ بار, ياعني اۆتونومدى جىلىتۋ جٷيەلەرٸ بار ٷيلەر الدىن الۋ جۇمىستارىمەن قامتىلدى.
«جالپى ارالاۋ بارىسىندا تجم قىزمەتكەرلەرٸ 764 مىڭنان استام ٷيدٸ ارالادى, الايدا 51 مىڭ ٷيدٸڭ تۇرعىندارىن تەكسەرۋ مەن كەڭەس بەرۋدەن باس تارتتى. ەكٸمدٸك ٶكٸلدەرٸمەن بٸرلەسٸپ 71 مىڭ ٷي ارالانىپ, 747 مىڭ ازاماتقا نۇسقاۋ بەرٸلدٸ. 118 مىڭعا جۋىق ٷيدە 158 مىڭ ٶرت قاۋٸپسٸزدٸگٸ تالاپتارىن بۇزۋ جاعدايى انىقتالدى, ونىڭ ٸشٸندە 40 مىڭنان استامى سول جەردە جويىلدى», - دەدٸ ول.
سپكيەر بۇزۋشىلىقتاردىڭ 90%-ى ەلەكتر تەحنيكالىق جەلٸلەر مەن ەلەكتر جابدىقتارىن جەنە اۆتونومدى جىلىتۋ جٷيەلەرٸن پايدالانۋمەن بايلانىستى ەكەنٸن اتاپ ٶتتٸ.
«پروفيلاكتيكالىق جۇمىستار بٸر رەت بارۋمەن جەنە ٷگٸت ماتەريالدارىن تاراتۋمەن شەكتەلمەيدٸ. ٶرت قاۋٸپسٸزدٸگٸ تالاپتارىن بۇزعان ٷيلەرگە قايتا بارادى. بيىل سوڭىنا دەيٸن شامامەن 2 ملن جەكە ٷيدٸ ارالاۋ جوسپارلانىپ وتىر», - دەدٸ ن. دەربٸسوۆ.
