Jyl sońyna deiin Tótenshe jaǵdailar ministrliginiń qyzmetkerleri órt qaýipsizdigi maqsatynda 2 mln úidi aralap shyǵady. Bul týraly QR TJM Órtke qarsy qyzmet komitetiniń tóraǵasy Nurbolat Derbisov aityp berdi, dep habarlaidy QazAqparat.
«Jyl saiyn jylytý kezeńi turǵyn úi sektorynda órt-profilaktikalyq is-sharalarynan bastalady. Ótken jyldary bul jumysqa tek TJM jáne politsiia qyzmetkerleri jumyldyryldy. Al 2019 jyldan bastap TJM bastamasy boiynsha halyqtyń áleýmettik osal toptarynyń, jetim balalardyń, kópbalaly otbasylardyń úilerine barý ákimdikterdiń áleýmettik qorǵaý qyzmetteriniń ókilderimen birlesip júzege asyrylýda», - dedi N. Derbisov Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, 15 tamyzdan 15 qyrkúiekke deiin órt qaýipsizdigi aktsiiasynyń I-kezeńi ótken. Onda ákimdik ókilderimen birlesip, halyqtyń áleýmettik osal toptarynyń, kópbalaly otbasylardan shyqqan balalardyń, jetim balalardyń úilerine baryp, qajetti kómek kólemi anyqtalǵan.
Al 15 qyrkúiekten 15 qazanǵa deiin aktsiianyń II kezeńinde TJ týyndaý qaýpi bar, iaǵni avtonomdy jylytý júieleri bar úiler aldyn alý jumystarymen qamtyldy.
«Jalpy aralaý barysynda TJM qyzmetkerleri 764 myńnan astam úidi aralady, alaida 51 myń úidiń turǵyndaryn tekserý men keńes berýden bas tartty. Ákimdik ókilderimen birlesip 71 myń úi aralanyp, 747 myń azamatqa nusqaý berildi. 118 myńǵa jýyq úide 158 myń órt qaýipsizdigi talaptaryn buzý jaǵdaiy anyqtaldy, onyń ishinde 40 myńnan astamy sol jerde joiyldy», - dedi ol.
Spkier buzýshylyqtardyń 90%-y elektr tehnikalyq jeliler men elektr jabdyqtaryn jáne avtonomdy jylytý júielerin paidalanýmen bailanysty ekenin atap ótti.
«Profilaktikalyq jumystar bir ret barýmen jáne úgit materialdaryn taratýmen shektelmeidi. Órt qaýipsizdigi talaptaryn buzǵan úilerge qaita barady. Biyl sońyna deiin shamamen 2 mln jeke úidi aralaý josparlanyp otyr», - dedi N. Derbisov.
