ورالدا ٷش اۆتوموبيلدٸ ۇرلاعان 8 جاسار نيكولاي كەرتسمان پەداگوگتار قاداعالايتىن تەحنيكالىق ٷيٸرمەگە بەرٸلدٸ, دەپ حابارلايدى جەرگٸلٸكتٸ «موي گورود» پورتالى.
ەكٸنشٸ سىنىپ وقۋشىسى ەندٸ ۇرلىق جاساماۋعا ۋەدە بەردٸ.
بالا وقيتىن مەكتەپتٸڭ ديرەكتورى مەن سىنىپ جەتەكشٸسٸنٸڭ ايتۋىنشا, نيكولاي اۋقاتتى وتباسىنىڭ بالاسى. ونىڭ مۇنداي ەرەكەتكە بارۋىنا ٶزٸنەن 4 جاس ٷلكەن نيكيتا سەبەپ بولۋى مٷمكٸن.
«نيكيتا ماعان ماشيناعا مٸن دەدٸ. بٸراق ٶزٸ وتىرعان جوق. مەن ماشيناعا مٸنٸپ, ايداپ كەتتٸم. جامان ٸس ٸستەگەنٸمدٸ بٸلەمٸن, باسقا بۇلاي ەتپەۋگە ۋەدە بەرەمٸن», - دەيدٸ نيكولاي.
وتىرىس قورىتىندىلارى بويىنشا, كوميسسييا بالانىڭ اتا-اناسىن قر ەكٸمشٸلٸك قۇقىق بۇزۋشىلىقتار تۋرالى كودەكسٸنٸڭ 127-بابىنا («اتا-انانىڭ نەمەسە باسقا دا زاڭدى ٶكiلدەردiڭ بالالاردى تەربيەلەۋ جٶنiندەگi مiندەتتەردi ورىنداماۋى») سەيكەس ەكٸمشٸلٸك جاۋاپقا تارتۋعا ۇيعاردى. وسى جاعداي ەندٸگەرٸ قايتالانسا, اتا-انا قۇقىعىنان ايىرىلۋى مٷمكٸن.
ال نيكولايدى جوعارى سىنىپ وقۋشىلارىمەن جولىقتىرماۋعا شەشٸم قابىلداندى. بۇدان بٶلەك, قالالىق بٸلٸم بٶلٸمٸنە بالانى تەحنيكالىق ٷيٸرمەگە بەرۋ تاپسىرىلدى. ول جەردە نيكولاي پەداگوگتاردىڭ قاداعالاۋىندا تەحنيكانىڭ قىر-سىرىن ٷيرەنە الادى.
ٸس ماتەريالدارىنا قاراعاندا, نيكولاي بٸر اپتادا ٷش اۆتوموبيلدٸ ۇرلاعان. 6 تامىز كٷنٸ كەشكٸسٸن «سۋزۋكي» اۆتوموبيلٸن ۇرلاپ, جولدا «لادا گرانتاعا» سوقتىعىسىپ, توقتاعان. 9 تامىزدا نيكولاي كەزەكتٸ رەت «اڭعا» شىعىپ, «تويوتا» ماركالى اۆتوموبيلدٸ قولدى ەتپەك بولعان. بٸراق جولدا كٶلٸكتٸ كٶپٸردٸڭ باعاناسىنا سوققان. ٷشٸنشٸ رەت «Hyundai» جەڭٸل كٶلٸگٸن ايداپ كەتكەن. بۇل جولى دا رۋلدٸ باسقارا الماي, بەتون توسقاۋىلعا بارىپ سوعىلعان.
ابىروي بولعاندا, بالانىڭ ۇرلىعىنان ەشكٸم زارداپ شەكپەگەن. بٸراق ەندٸ ەكەسٸ 1,4 ميلليون تەڭگە مٶلشەرٸندە ماتەريالدىق زالالدى تٶلەۋگە مٸندەتتٸ.
بٸر ايتا كەتەرلٸگٸ, مەكتەپ ديرەكتورىنىڭ ايتۋىنشا, نيكولاي ساباقتى جاقسى وقيدى.
