ورالدا كوروناۆيرۋس جۇقتىرعان توعىزىنشى ناۋقاس مەديتسينا قىزمەتكەرٸ بولىپ شىقتى. بۇل تۋرالى بريفينگتە بقو تاۋارلار مەن كٶرسەتٸلەتٸن قىزمەتتەر ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسى مۇحامعالي ارىسپاەۆ مەلٸم ەتتٸ, دەپ حابارلايدى "ۇلت اقپارات".
ونىڭ ايتۋىنشا, 49 جاستاعى مەدبيكە «كۋمىسكا» پروۆيزورلىق ستاتسيونارىندا جۇمىس ٸستەيدٸ.
كوروناۆيرۋسقا شالدىققان ادامدارمەن بايلانىستا بولعاننان كەيٸن مەدبيكەدەن باستاپقىدا 9 سەۋٸر كٷنٸ الىنعان زەرتحانالىق سىناما تەرٸس نەتيجە كٶرسەتكەن. الايدا 12 سەۋٸر كٷنٸ تاعى دا سىناما الىنعان كەزدە ونىڭ كوروناۆيرۋسپەن اۋىرعانى انىقتالىپ, ناۋقاس وبلىستىق جۇقپالى اۋرۋلار اۋرۋحاناسىنا جەكە بوكسقا جاتقىزىلدى.
جاعدايى قاناعاتتانارلىق, ەم قابىلداۋدا.
ناۋقاسپەن جۇمىس ورنىندا تٸكەلەي قارىم-قاتىناستا بولعان 7 ادامنان سىناما الىندى. ونىڭ التاۋىنان اۋرۋ انىقتالعان جوق. بٸرەۋٸنٸڭ قورىتىندىسى ەلٸ شىققان جوق.
سونىمەن مەديتسينا قىزمەتكەرٸ تۇرعان «قۇرىلىسشى» شاعىناۋدانىنداعى ٷيدٸڭ كٸرەبەرٸسٸنە كارانتين قويىلىپ, ناۋقاستىڭ پەتەرٸ مەن سول ماڭعا تيٸستٸ دەزينفەكتسييا جۇمىستارى جٷرگٸزٸلدٸ.
«وعان قوسا «كۋمىسكا» ستاتسيونارىندا كارانتين ورناتىلىپ, ونداعى بارلىق ەمدەلۋشٸلەردٸڭ كٸرٸپ-شىعۋىنا تىيىم سالىندى. ناۋقاسپەن بايلانىستا بولعان جەتٸ ادام دا كارانتيندە. باسقا اۋىسىمدا بولعان قىزمەتكەرلەر دە تەكسەرٸلٸپ جاتىر», دەدٸ م.ارىسپاەۆ.
ونىڭ سٶزٸنە قاراعاندا, بولجام بويىنشا اتالعان مەديتسينا قىزمەتكەرٸ قورعانىس قۇرالدارىن دۇرىس پايدالانباعان. مۇنىڭ بەرٸ انىقتالۋ ٷستٸندە.
وبلىستىق دەنساۋلىق ساقتاۋ باسقارماسىنىڭ باسشىسى بولاتبەك كايۋپوۆ ناۋقاستارمەن الدىڭعى شەپتە جۇمىس ٸستەپ جٷرگەن مەديتسينا قىزمەتكەرلەرٸمەن قوسىمشا نۇسقاۋ شاراسى جٷرگٸزٸلگەنٸن, تۇرعىنداردىڭ دا ساقتىقتى ۇمىتپاۋى كەرەكتٸگٸن جەتكٸزدٸ.
ەسكە سالا كەتەيٸك, بۇعان دەيٸن 49 جاستاعى ۆيرۋس جۇقتىرعان ناۋقاس, پروۆيزورلىق ستاتسيوناردا مەدبيكە بولىپ جۇمىس ٸستەيتٸنٸ تۋرالى www.coronavirus2020.kz سايتىنىڭ رەسمي تەلەگرام ارناسىندا حابارلانعان بولاتىن.
