ورالداعى دەمالىس ورىندارىنىڭ بٸرٸندە بەس جاسار بالا سۋعا باتىپ كەتتٸ, دەپ حابارلايدى Sputnik قازاقستان اگەنتتٸگٸ موي گورود پورتالىنا سٸلتەمە جاساپ.
قايعىلى جاعداي كەزٸندە بالانىڭ اتا-اناسى جازدىق كافەدە وتىرعان.
وقيعا 28 شٸلدەدە جەلاەۆ كارەرىنداعى Saya دەمالىس بازاسىندا بولدى. وبلىستىق تٶتەنشە جاعدايلار دەپارتامەنتٸنٸڭ مەلٸمەتٸنشە, بالا جاعاجايعا اتا-اناسىمەن كەلگەن.
اقپاراتقا سٷيەنسەك, ۇل بالا ٷرلەنگەن شەڭبەرمەن سۋعا تٷسٸپ جٷرگەن. سول ۋاقىتتا اتا-اناسى جاعادان 50 مەتر جەردە ورنالاسقان جازدىق كافەدە وتىرعان. بٸراز ۋاقىتيتان كەيٸن ولار بالانىڭ جوق ەكەنٸن بايقايدى. 40 مينۋتتىق ٸزدەۋ جۇمىستارىنان كەيٸن قۇتقارۋشىلار بالانىڭ دەنەسٸن سۋدان الىپ شىقتى.
"قايعىلى جاعداي بولعان جاعاجاي سۋعا تٷسۋگە ارناپ جابدىقتالعان. جاعاجايدا باقىلاۋ مۇناراسى دا بار. الايدا ول جاعاجايدى تولىق باقىلاۋعا مٷمكٸندٸك بەرمەيدٸ. بالالارعا ارنالعان جاعاجاي دا قاراستىرىلعان. سول كٷنٸ جاعادا جەتٸ قۇتقارۋشى جۇمىس ٸستەپ جٷردٸ. دەمالىس بازاسىنا رەيد جيٸ ۇيىمداستىرالدى. سوڭعى رەت تٶتەنشە جاعدايلار قىزمەتكەرلەرٸ مۇندا 24 شٸلدەدە بولدى", - دەلٸنگەن تجد اقپارتىندا.
جىل باسىنان بەرٸ وبلىستىڭ سۋ قويمالارىندا 12 ادام كٶز جۇمدى, ونىڭ بەسەۋٸ بالا.
