Oraldaǵy demalys oryndarynyń birinde bes jasar bala sýǵa batyp ketti, dep habarlaidy Sputnik Qazaqstan agenttigi Moi gorod portalyna silteme jasap.
Qaiǵyly jaǵdai kezinde balanyń ata-anasy jazdyq kafede otyrǵan.
Oqiǵa 28 shildede Jelaev kareryndaǵy Saya demalys bazasynda boldy. Oblystyq tótenshe jaǵdailar departamentiniń málimetinshe, bala jaǵajaiǵa ata-anasymen kelgen.
Aqparatqa súiensek, ul bala úrlengen sheńbermen sýǵa túsip júrgen. Sol ýaqytta ata-anasy jaǵadan 50 metr jerde ornalasqan jazdyq kafede otyrǵan. Biraz ýaqytitan keiin olar balanyń joq ekenin baiqaidy. 40 minýttyq izdeý jumystarynan keiin qutqarýshylar balanyń denesin sýdan alyp shyqty.
"Qaiǵyly jaǵdai bolǵan jaǵajai sýǵa túsýge arnap jabdyqtalǵan. Jaǵajaida baqylaý munarasy da bar. Alaida ol jaǵajaidy tolyq baqylaýǵa múmkindik bermeidi. Balalarǵa arnalǵan jaǵajai da qarastyrylǵan. Sol kúni jaǵada jeti qutqarýshy jumys istep júrdi. Demalys bazasyna reid jii uiymdastyraldy. Sońǵy ret tótenshe jaǵdailar qyzmetkerleri munda 24 shildede boldy", - delingen TJD aqpartynda.
Jyl basynan beri oblystyń sý qoimalarynda 12 adam kóz jumdy, onyń beseýi bala.
