ورالدا جٷرگٸزۋشٸ يتتٸ كٶلٸككە بايلاپ, كٶشەدە سٷيرەگەن. وقيعانى وبلىستىق پوليتسييا دەپارتامەنتٸنٸڭ باسپاسٶز قىزمەتٸ تٷسٸندٸردٸ, - دەپ حابارلايدى Tengrinews.kz تٸلشٸسٸ "موي گورود" سايتىنا سٸلتەمە جاساپ.
ەلەۋمەتتٸك جەلٸدە كٶلٸككە بايلانعان يتتٸ كٶشەدە سٷيرەپ بارا جاتقان ۆيدەو تارالىپ جاتىر. ۆيدەو اۆتورى ارتتا كەلە جاتقان كٶلٸكتە نە بولىپ جاتقانىن ۆيدەوعا تٷسٸرگەن. ونىڭ ايتۋىنشا, كادر ورالدا تٷسٸرٸلگەن.
قالالىق پوليتسييا بٶلٸمٸ كٶلٸك جٷرگٸزۋشٸسٸن انىقتادى. ول - ورال قالاسىنىڭ 55 جاستاعى تۇرعىنى.
"ٶكٸنٸشكە وراي, يت ٶلدٸ. بۇل دەرەك پوليتسييا بٶلٸمٸندە تٸركەلدٸ. قازٸر قىزمەتكەرلەر وقيعانىڭ سەبەپتەرٸن انىقتاپ جاتىر", - دەپ حابارلادى پوليتسييا.
بۇل - قازاقستاندا جٷرگٸزۋشٸلەر يتتەردٸ كٶلٸككە بايلاپ, قالا كٶشەلەرٸمەن سٷيرەگەن بٸرٸنشٸ جاعداي ەمەس. بۇعان دەيٸن ەكٸباستۇزدا 2020 جىلدىڭ سوڭىندا جەنە اتىراۋدا قاڭتاردا بولعان.
