Oralda júrgizýshi itti kólikke bailap, kóshede súiregen. Oqiǵany oblystyq politsiia departamentiniń baspasóz qyzmeti túsindirdi, - dep habarlaidy Tengrinews.kz tilshisi "Moi gorod" saityna silteme jasap.
Áleýmettik jelide kólikke bailanǵan itti kóshede súirep bara jatqan video taralyp jatyr. Video avtory artta kele jatqan kólikte ne bolyp jatqanyn videoǵa túsirgen. Onyń aitýynsha, kadr Oralda túsirilgen.
Qalalyq politsiia bólimi kólik júrgizýshisin anyqtady. Ol - Oral qalasynyń 55 jastaǵy turǵyny.
"Ókinishke orai, it óldi. Bul derek politsiia bóliminde tirkeldi. Qazir qyzmetkerler oqiǵanyń sebepterin anyqtap jatyr", - dep habarlady politsiia.
Bul - Qazaqstanda júrgizýshiler itterdi kólikke bailap, qala kóshelerimen súiregen birinshi jaǵdai emes. Buǵan deiin Ekibastuzda 2020 jyldyń sońynda jáne Atyraýda qańtarda bolǵan.
