ورالدا اقتٶبەلٸك تۇرعىن پىشاقتاعان ساتۋشى ەيەل جانساقتاۋ بٶلٸمٸندە جاتىر, دەپ حابارلايدى "ۇلت اقپارات".
بقو پوليتسييا دەپارتامەنتٸنٸڭ رەسمي ٶكٸلٸ بولاتبەك بەلگٸبەكوۆتٸڭ مەلٸم ەتكەنٸندەي, وقيعا 9 ماۋسىم كٷنٸ شامامەن ساعات 23.00-دە زاچاگان كەنتٸندەگٸ ازىق-تٷلٸك دٷكەنٸندە بولدى.
اقتٶبە قالاسىنىڭ 1984 جىلعى و. دەگەن تۇرعىنى 36 جاستاعى ا. ەسٸمدٸ ساتۋشى ەيەلگە شابۋىل جاساعان.
بقو پوليتسييا دەپارتامەنتٸنٸڭ اعا انىقتاۋشىسى التىنبەك تەمٸرلانوۆ جۇمىستان قايتىپ كەلە جاتىپ, توعىز قاباتتى ٷيدٸڭ بٸرٸنشٸ قاباتىندا ورنالاسقان دٷكەننەن قاشىپ شىققان ەر ادامدى, سوڭىنان ايقايلاعان ەيەلدٸ كٶرەدٸ. ول سول بويدا پوليتسيياعا حابار بەرٸپ, ٶزٸ قۋىپ جەتٸپ, قارسىلىق كٶرسەتكەنٸنە قاراماي, ەر ادامدى ۇستايدى. كەيٸن ەر ادام كەلٸپ جەتكەن «ٷكٸ» تٷنگٸ پوليتسييا توبىنىڭ قولىنا تٷستٸ.
ب.بەلگٸبەكوۆتٸڭ ايتۋىنشا, بەينەباقىلاۋ كامەراسىن قاراعان كەزدە و. مەن ا-نىڭ بٸر-بٸرٸمەن سٶزگە كەلگەنٸ كٶرٸنەدٸ. بۇعان ەكٸنشٸ ساتۋشى مەن جەبٸرلەنۋشٸنٸڭ قىزى كۋە بولعان. و. ەكٸنشٸ ساتۋشىنى يتەرٸپ جٸبەرٸپ, جەبٸرلەنۋشٸنٸ پىشاقتاپ, دٷكەننەن شىعىپ كەتكەن.
جەبٸرلەنۋشٸ وبلىستىق كٶپبەيٸندٸ اۋرۋحانانىڭ جانساقتاۋ بٶلٸمٸنە جاتقىزىلدى.
«الدىن الا مەلٸمەتكە قاراعاندا, كٷدٸكتٸ مەن جەبٸرلەنۋشٸ بٸر-بٸرٸمەن ٷش جىلداي جاقىن قارىم-قاتىناستا بولعان. اقتٶبەدەن بٸرنەشە كٷنگە كەزدەسۋگە كەلگەن. سودان كەيٸن ساتۋشىنىڭ جۇمىس ورنىنا بارىپ, قىزعانىش نەگٸزٸندە ٶزٸمەن بٸرگە الىپ جٷرگەن پىشاقتى جۇمساعان. قىلمىستى جاساۋ كەزٸندە ول ماس كٷيٸندە بولعان, بۇرىن سوتتالماعان, ەش جەردە جۇمىس ٸستەمەيدٸ. تولىق اقپارات سوتقا دەيٸنگٸ تەرگەۋ امالدارى اياقتالعاننان كەيٸن بەرٸلەدٸ», دەدٸ بەلگٸبەكوۆ.
قازٸرگٸ كەزدە كٷدٸكتٸ ۋاقىتشا ۇستاۋ يزولياتورىنا قامالدى.
وبلىستىق دەنساۋلىق ساقتاۋ باسقارماسىنىڭ باسپاسٶز قىزمەتٸ ەيەلدٸڭ جاعدايى اۋىر, جانساقتاۋ بٶلٸمٸندە ەكەندٸگٸن راستادى.
