10 مامىر كٷنٸ كەشكٸلٸك ورال قالاسىنداعى «قۇرىلىسشى» شاعىناۋدانىندا كٶپقاباتتى ٷيلەردٸڭ بٸرٸندە قايعىلى وقيعا بولدى, دەپ حابارلايدى قازاقپارات تٸلشٸسٸ.
وبلىستىق دەنساۋلىق ساقتاۋ باسقارماسىنىڭ باسپاسٶز حاتشىسى ايناگٷل ساقپوسىنوۆانىڭ ايتۋىنشا, وقيعا ورنىنا جەدەل جەردەم ساعات 20.24-تە شاقىرىلىپ, ولار ٷش مينۋتتان كەيٸن جەتكەن.
«وق تيگەن 60 جاستاعى ەيەل جەدەل جەردەم كەلگەنگە دەيٸن كٶز جۇمعان. ٸشٸنەن وق تيگەن 1951 جىلعى ەر ادام قالالىق كٶپبەيٸندٸ اۋرۋحاناعا جەتكٸزٸلدٸ. وعان تٷندە وتا جاسالدى. وتا التى ساعاتقا سوزىلدى. جاعدايى اۋىر», - دەدٸ ا.ساقپوسىنوۆا.
وقيعا كۋەگەرلەرٸنٸڭ سٶزٸنە قاراعاندا, جاس ادام ەنەسٸن اتىپ ٶلتٸرگەن. قايىن اتاسىنا دا وق تيگەن.
"كٷيەۋ بالاسى ەنەسٸن اتىپ تاستادى, ول قايتىس بولدى. سوسىن قايىن اتاسىن اتتى. ول تٸرٸ, جەدەل جەردەم الىپ كەتتٸ. مەن ولاردىڭ "كٶمەكتەسٸڭٸزدەر, كٶمەكتەسٸڭٸزدەر" دەگەن ايقايلاعان داۋىستارىن ەستٸدٸم. وسى كەزدە دٷكەنگە بارا جاتقان ەدٸم. سىرتتا ەجەلەر تۇرعان. ولارعا جاستاردى شاقىرۋىن, ەيەلگە كٶمەكتەسۋ كەرەكتٸگٸن ايتتىم. وق اتىلعان سەتتٸ دە ەستٸدٸك", - دەيدٸ ٷيدٸڭ تۇرعىنى مارييا امەلياكينا.
قازٸرگٸ كەزدە وقيعانىڭ جاي-جاپسارى انىقتالىپ جاتىر.
