17 قىركٷيەكتە ورال قالاسىنىڭ ەكٸمشٸلٸك سوتى قالاعا جاس تٸلشٸلەرگە ارنالعان ترەنينگكە قاتىسۋ ٷشٸن كيەۆتەن كەلگەن جۋرناليست الەكساندر گوروحوۆسكييگە ايىپپۇل سالدى. سوت گوروحوۆسكيي "شەتەلدiكتiڭ نەمەسە ازاماتتىعى جوق ادامنىڭ قازاقستاندا حالىقتىڭ كٶشٸ-قون سالاسىنداعى زاڭناماسىن" بۇزدى دەپ سانايدى.
سۋديا حاتيما ەرسەنوۆا ۋكراينالىق جۋرناليسكە 60 مىڭ 125 تەڭگە (25 ايلىق ەسەپتٸك كٶرسەتكٸش) كٶلەمٸندە ايىپپۇل سالدى. كەيٸن بۇل سوما 30 پايىزعا ازايتىلىپ, جۋرناليست 42 مىڭ تەڭگە تٶلەۋگە مٸندەتتەلدٸ.
17 قىركٷيەك تٷسكە دەيٸن بولعان سوت پروتسەسٸندە الەكساندر گوروحوۆسكيي ٶزٸنٸڭ تەجٸريبە الماسۋ ماقساتىندا "ۋرالسكايا نەدەليا" باسىلىمىنىڭ شاقىرتۋىمەن كەلگەنٸن ايتتى. ونىڭ سٶزٸنشە, كەزدەسۋ پٸكٸر الماسۋ جاعدايىندا ٶتكەن جەنە ەشقانداي اقشالاي سىياقى تۋرالى سٶز بولماعان. گوروحوۆسكيي "سەمينار" سٶزٸن پوليتسەيلەر ويلاپ تاپقانىن ايتادى.
سوت زالىندا پوليتسييا كۋەگەر دەپ ەكەلگەن تالعات قاتاۋوۆ دەگەن ادام سٶيلەدٸ. ونى پوليتسييا ورالدىق قوناقٷيلەردٸڭ بٸرٸندە "ۋكرايناعا قاتىستى سەمينار بولىپ جاتىر" دەپ حابارلاعان "دەرەككٶز" دەيدٸ. قاتاۋوۆتىڭ سٶزٸنشە, ول پوليتسيياعا ەشتەڭە حابارلاماعان. "سەمينار" جايلى مٷلدەم بەيحابار, ال الەكساندر گوروحوۆسكيي تۋرالى بۇرىن ەستٸمەگەن. ال ٶزٸنٸڭ ەسٸمٸ ٸستە بار ەكەنٸن تانىستارىنان ەستٸگەن.
گوروحوۆسكييدٸ شاقىرعان ورالدىق جۋرناليست لۇقپان احمەديياروۆ "جۋرناليستيكا مەكتەبٸ" ەكٸنشٸ جىل ٶتٸپ جاتقانىن ايتتى. ول بۇل دەرٸستەردٸڭ تەگٸن ۇيىمداستىرىلاتىنىن اتاپ ٶتتٸ.
15 قىركٷيەكتە ورالداعى قوناق ٷيلەردٸڭ بٸرٸندە ٶتٸپ جاتقان "جۋرناليستيكا مەكتەبٸ" جوباسى اياسىنداعى جاستارعا ارنالعان شاراعا گوروحوۆسكيي دە قاتىسقان. جيىن ٶتٸپ جاتقان جەرگە كەلگەن ەكٸ پوليتسييا قىزمەتكەرٸ كەلٸپ, وسى قوناق ٷيدە "زاڭسىز كونفەرەنتسييا" ٶتٸپ جاتقانى تۋرالى بەلگٸسٸز بٸرەۋ تەلەفون سوققانىن حابارلادى.
پوليتسييا قىزمەتكەرلەرٸ ۋكراينا ازاماتى الەكساندر گوروحوۆسكييدٸڭ قۇجاتتارىن تەكسەرٸپ, ونىڭ قازاقستان اۋماعىندا جۇمىس ٸستەۋگە رۇقسات قاعازى جوق ەكەنٸن ايتتى. بيلٸك ٶكٸلدەرٸ گوروحوۆسكييدٸڭ ٷستٸنەن ەكٸمشٸلٸك حاتتاما تولتىرىپ, ونى "ەكٸمشٸلٸك قۇقىق بۇزۋشىلىق تۋرالى" كودەكستٸڭ 517-بابى ("شەتەلدiكتiڭ نەمەسە ازاماتتىعى جوق ادامنىڭ قازاقستان رەسپۋبليكاسىنىڭ حالىقتىڭ كٶشٸ-قون سالاسىنداعى زاڭناماسىن بۇزۋ") بويىنشا ايىپتاعان. بۇل باپتا ايىپتى دەپ تانىلعان ادامعا 25 ايلىق ەسەپتiك كٶرسەتكiش مٶلشەرiندە ايىپپۇل سالۋ نە ون تەۋلٸككە مەرزٸمگە ەكٸمشٸلٸك قاماۋعا الۋ نەمەسە ونى قازاقستان اۋماعىنان شىعارىپ جiبەرۋ جازالارى قاراستىرىلعان.
پوليتسييا گوروحوۆسكييدٸڭ ميگراتسييالىق كارتاسىن قايتارىپ بەرگەن. ول كيەۆكە 18 قىركٷيەكتە قايتاتىنىن ايتتى.
