ەزەربايجاننىڭ ەنەرگەتيكا مينيسترٸ 6 سەۋٸردە وپەك ەلدەرٸ مەن ۇيىمعا كٸرمەيتٸن, بٸراق شيكٸزات تۋرالى كٶپجاقتى كەلٸسسٶزدەرٸنە قاتىسىپ جٷرگەن مۇناي ٶندٸرۋشٸ (وپەك+) ەلدەردٸڭ تەلەكونفەرەنتسيياسى ٶتەتٸنٸن مەلٸمدەدٸ. Reuters-تٸڭ جازۋىنشا, تەلەكونفەرەنتسييا تۋرالى اقپارات تاراسا دا, جيىن تۋرالى قوسىمشا دەرەك از.
سوڭعى اپتادا حالىقارالىق نارىقتا مۇناي باعاسى سۇرانىستىڭ ازايۋىنا بايلانىستى بٸر باررەلٸنٸڭ قۇنى 65 دوللاردان 20 دوللارعا دەيٸن ارزاندادى. ەلەمدە كوروناۆيرۋس پاندەميياسى تارادى. ٷش ميللياردتان استام ادام كارانتيندٸك جاعدايدا ٶمٸر سٷرٸپ جاتىر.
اقش پرەزيدەنتٸ دونالد ترامپ بەيسەنبٸ كٷنٸ رەسەي باسشىسى ۆلاديمير پۋتين مەن ساۋد ارابيياسىنىڭ تاق مۇراگەرٸ مۇحاممەد بين سالمانمەن تەلەفونمەن ەڭگٸمەلەسكەنٸن مەلٸمدەگەن. Reuters-تٸڭ جازۋىنشا, مەسكەۋ مەن ەر-ريياد مۇناي ٶندٸرۋدٸ تەۋلٸگٸنە 10-15 ملن باررەلگە دەيٸن ازايتۋعا كەلٸسكەن-مىس.
دەگەنمەن حالىقارالىق ەنەرگەتيكا اگەنتتٸگٸ مۇناي ٶندٸرٸسٸن تەۋلٸگٸنە 10 ميلليون باررەلگە دەيٸن ازايتۋ مۇنايعا سۇرانىس كٷرت ازايعان شاقتا مەسەلەنٸ شەشە المايدى دەپ سانايدى. اگەنتتٸك جەتەكشٸسٸ فاتيح بيروپتىڭ پٸكٸرٸنشە, شيكٸزات ٶندٸرۋدٸ ازايتۋدىڭ سالدارىنان ەكٸنشٸ توقساندا ەلەمدە مۇناي قورى ارتىپ, كٷنٸنە 15 ملن باررەل ٶندٸرۋگە تۋرا كەلەدٸ.
ناۋرىز ايىنىڭ باسىندا مەسكەۋ مەن ەر-ريياد شيكٸزات ٶندٸرٸسٸن ازايتۋ تۋرالى كەلٸسە الماعاننان كەيٸن حالىقارالىق نارىقتا مۇناي باعاسى كٷرت ارزانداعان ەدٸ.
