گرۋزييادا قازا تاپقان قازاقستاندىق ەسەل ايتباەۆانىڭ اناسى قىزىمەن سوڭعى رەت نە تۋرالى سٶيلەسكەنٸن, گرۋزيياداعى ٸس بويىنشا ايىپتالۋشى بەسيك توردۋانىڭ ٶلٸمٸ تۋرالى ويىن ايتتى, - دەپ حابارلايدى Tengrinews.kz تٸلشٸسٸ Aibat اقپارات قىزمەتٸنە سٸلتەمە جاساپ.
ايسۇلۋ ايتباەۆانىڭ سٶزٸنشە, قىزى گرۋزيياعا كەنەتتەن جينالىپ, اتا-اناسىنا كەتەتٸنٸن ايتقان. سوڭعى رەت اناسى مەن قىزى 4 مامىرعا قاراعان تٷنٸ بەينەقوڭىراۋ ارقىلى سٶيلەسكەن.
"مەن "ٷيدە جالعىزسىڭ با?" دەپ سۇرادىم, ول "يە, جالعىزبىن" دەدٸ. بٶلمەنٸ تولىعىمەن كٶرسەتٸپ شىقتى. بٸراق مەن بٸر نەرسەگە كٷمەنداندىم. بٸرەۋ ديۆاندا جاتقانداي بولىپ كٶرٸندٸ. "ماعان سەنٸڭ داۋسىڭ ۇناماي تۇر. ەسەل نە بولىپ جاتىر?" دەدٸم. ول "جارايدى, مەنٸڭ ۇيىقىم كەلدٸ, اناشىم, كەتتٸم, شارشاپ قالىپپىن" دەدٸ. وسىدان كەيٸن وعان قايتا حابارلاستىم, بٸراق تەلەفون المادى. مەن وعان "جاۋاپ بەرشٸ, قىزىم" دەپ جازىپ جٸبەردٸم", - دەيدٸ ايسۇلۋ ايتباەۆا.
5 مامىردا تاڭەرتەڭ ايسۇلۋدىڭ جۇبايى قىزى قايتىس بولعانىن بٸلگەنٸن حابارلايدى.
ايسۇلۋ ايتباەۆا مەيٸتحانادا قىزىنىڭ دەنەسٸنەن تٷسٸنٸكسٸز نەرسەلەر بايقاعانىن اتاپ ٶتتٸ.
"قاراسام بٸر سىزىق تۇر (كەۋدەسٸن كٶرسەتتٸ. - اۆتور.). ول ۇستانىپ تۇرعان, تەك فۋتبولكا كيگەن, ساۋساق ٸزدەرٸ بولدى. ال بەتٸ تازا. نەگە ٸسٸكتەر جوق دەپ ويلادىم. ونى ٶلتٸرٸپ, لاقتىرىپ جٸبەرگەن. ەلٸ دە بٸر نۇسقا ويىمنان كەتپەيدٸ: ادامدى بٸر ادام عانا لاقتىرا المايدى. بٸرەۋ ونى ەكٸ ەر ادام تاستاعانىن ۆيدەوعا تٷسٸرٸپ العان", - دەيدٸ ەيەل.
ايتباەۆا گرۋزييا ازاماتى بەسيك توردۋانىڭ ايىپتاۋى بويىنشا پروتسەسس ەلٸ توقتاتىلمايتىنىن حابارلادى. ال مەيٸربەكوۆ بويىنشا بارلىق ٸس قازاقستانعا تاپسىرىلادى.
"گرۋزيننٸڭ ٶلٸمٸ ماعان ەشتەڭە بەرگەن جوق. بٸر عانا جۇبانىشىم, ول دا مەنٸڭ قىزىم سيياقتى سوققىعا جىعىلدى. بۇل جاي جٷرەك تالماسى ەمەس, باسىندا گەماتومالار بولدى, دەنە ۇرىپ-سوعىلعان. مەن ونى بٸرەۋلەر ٶلتٸردٸ دەپ ويلايمىن", - دەيدٸ مارقۇمنىڭ اناسى.
