Grýziiada qaza tapqan qazaqstandyq Ásel Aitbaevanyń anasy qyzymen sońǵy ret ne týraly sóileskenin, Grýziiadaǵy is boiynsha aiyptalýshy Besik Tordýanyń ólimi týraly oiyn aitty, - dep habarlaidy Tengrinews.kz tilshisi Aibat aqparat qyzmetine silteme jasap.
Aisulý Aitbaevanyń sózinshe, qyzy Grýziiaǵa kenetten jinalyp, ata-anasyna ketetinin aitqan. Sońǵy ret anasy men qyzy 4 mamyrǵa qaraǵan túni beineqońyraý arqyly sóilesken.
"Men "Úide jalǵyzsyń ba?" dep suradym, ol "Iá, jalǵyzbyn" dedi. Bólmeni tolyǵymen kórsetip shyqty. Biraq men bir nársege kúmándandym. Bireý divanda jatqandai bolyp kórindi. "Maǵan seniń daýsyń unamai tur. Ásel ne bolyp jatyr?" dedim. Ol "Jaraidy, meniń uiyqym keldi, anashym, kettim, sharshap qalyppyn" dedi. Osydan keiin oǵan qaita habarlastym, biraq telefon almady. Men oǵan "jaýap bershi, qyzym" dep jazyp jiberdim", - deidi Aisulý Aitbaeva.
5 mamyrda tańerteń Aisulýdyń jubaiy qyzy qaitys bolǵanyn bilgenin habarlaidy.
Aisulý Aitbaeva máiithanada qyzynyń denesinen túsiniksiz nárseler baiqaǵanyn atap ótti.
"Qarasam bir syzyq tur (keýdesin kórsetti. - avtor.). Ol ustanyp turǵan, tek fýtbolka kigen, saýsaq izderi boldy. Al beti taza. Nege isikter joq dep oiladym. Ony óltirip, laqtyryp jibergen. Áli de bir nusqa oiymnan ketpeidi: adamdy bir adam ǵana laqtyra almaidy. Bireý ony eki er adam tastaǵanyn videoǵa túsirip alǵan", - deidi áiel.
Aitbaeva Grýziia azamaty Besik Tordýanyń aiyptaýy boiynsha protsess áli toqtatylmaitynyn habarlady. Al Meiirbekov boiynsha barlyq is Qazaqstanǵa tapsyrylady.
"Grýzinniń ólimi maǵan eshteńe bergen joq. Bir ǵana jubanyshym, ol da meniń qyzym siiaqty soqqyǵa jyǵyldy. Bul jai júrek talmasy emes, basynda gematomalar boldy, dene uryp-soǵylǵan. Men ony bireýler óltirdi dep oilaimyn", - deidi marqumnyń anasy.
