وڭتٷستٸك كورەيادا كٸشكەنتاي بالانى قاعىپ كەتٸپ, سوڭىنان ەلدەن كەتٸپ قالعان قازاقستان ازاماتى تەرگەۋ ٸس-شارالارىنا قاتىسۋ ٷشٸن سەۋل قالاسىنا ٶز ەركٸمەن ۇشىپ كەلدٸ. بۇل جٶنٸندە سىرتقى ٸستەر مينيسترلٸگٸنٸڭ باسپاسٶز قىزمەتٸ حابارلادى.
«قازاقستان رەسپۋبليكاسى ازاماتىنىڭ كورەياعا كەلۋ بارىسى ەلشٸلٸك قىزمەتكەرلەرٸنٸڭ باقىلاۋىندا ٶتتٸ. ديپلوماتتار جەكە سۇحبات بارىسىندا ونىڭ قۇقىقتارىن تٷسٸندٸرٸپ, تەرگەۋ كەزٸندە ٶزٸن قالاي ۇستاۋى كەرەكتٸگٸ تۋرالى كەڭەس بەردٸ» دەلٸنگەن حابارلامادا.
قازٸرگٸ ۋاقىتتا وتانداسىمىز چانگۆون قالاسىنىڭ تەرگەۋ يزولياتورىندا قاماۋدا وتىر. ەلشٸلٸك بۇل مەسەلەنٸ ۇدايى باقىلاۋدا ۇستايدى.
ريونحاپ اگەنتتٸگٸنٸڭ حابارلاۋىنشا, وقيعا ٶتكەن ايدا وڭتٷستٸك كيونسان پروۆينتسيياسىندا بولعان. باستاۋىش مەكتەپتە وقيتىن بالانى كٶلٸك قاعىپ كەتكەننەن كەيٸن دەنساۋلىعىنا ٷلكەن زاقىم كەلگەن, دەپ حابارلايدى ۇلتتىق پوليتسييا اگەنتتٸگٸ.
ميىنا قان قۇيىلعان بالا وقيعادان كەيٸن ەس-تٷسسٸز جاتقان.
اقپارات اگەنتتٸگٸ قازاقستاندىق زاڭسىز يمميگرانتتىڭ جٷرگٸزۋشٸ كۋەلٸگٸ بولماعانىن اتاپ كەتتٸ. ول باسقا ادامنىڭ اتىنا تٸركەلگەن كٶلٸكتٸ ايداعان. سوندىقتان پوليتسييا جول اپاتىنا كٸنەلٸ ادامدى ۋاقىتىندا انىقتاي الماي, ەلدەن كەتۋگە تىيىم سالا الماعان.
كٷدٸكتٸگە حالىقارالىق ٸزدەۋ جارييالانعاننان كەيٸن وڭتٷستٸك كورەيا پوليتسەيلەرٸ قازاقستاندىق ەرٸپتەستەرٸنە اتالمىش وقيعاعا قاتىستى شارا قابىلداۋدى ٶتٸندٸ. وسىلايشا ولار قازاقستاندىق پوليتسييامەن بٸرلەسٸپ, زاڭ بۇزۋشىنىڭ جٷرگەن جەرٸن انىقتادى.
سونداي-اق, وڭتٷستٸك كورەيا قازاقستاندىق ەرٸپتەستەرٸنە كٷدٸكتٸنٸ سەۋلگە ەكستراداتسييالاۋ تۋرالى ٶتٸنٸش بٸلدٸردٸ. سەۋلدەگٸ قازاقستان ەلشٸلٸگٸنٸڭ كٶمەگٸمەن وڭتٷستٸككورەيالىق تاراپ جاس جٸگٸتتٸ ٶز ەركٸمەن ەلگە قايتۋعا كٶندٸرە الدى.
قازاقستاندىق ينتەرپول جٷرگٸزگەن تەرگەۋ بارىسىندا ەر ادام جاساعان قىلمىسىن مويىنداپ, وڭتٷستٸك كورەيانىڭ پوليتسيياسىنا بەرٸلۋ جٶنٸندە شەشٸم قابىلدادى.
ەسكە سالا كەتەيٸك, بٸراز ۋاقىت بۇرىن قازاقستان ازاماتى وڭتٷستٸك كورەيادا كٸشكەنتاي بالانى قاعىپ, وقيعا ورنىنان ٸزٸن سۋىتقان بولاتىن. بٸراز ۋاقىتتان كەيٸن ونىڭ پاۆلوداردا جٷرگەنٸ بەلگٸلٸ بولدى.
وسى جاعدايدان كەيٸن وڭتٷستٸك كورەيانىڭ بيلٸك ٶكٸلدەرٸ زاڭسىز جٷرگەن شەتەلدٸك ازاماتتارعا ەلدەن الدىن الا ەسكەرتۋسٸز شىعۋعا تىيىم سالاتىنىن مەلٸم ەتتٸ.
