وڭتٷستٸك قازاقستان وبلىسىنىڭ ساپالى ەت ەكسپورتتاۋ ەلەۋەتٸ ارتىپ كەلەدٸ. جىل باسىنان بەرگٸ ون ايدا ٶڭٸردە 173,2 مىڭ توننا ەت ٶندٸرٸلگەن. بۇل اگرارلى ايماقتىڭ ەتتٸ ەكسپورتتاۋداعى شەكتەۋلەرٸن جويىپ, جاڭا نارىققا جول اشىپ وتىر, دەپ حابارلايدى "ۇلت اقپارات".
مەسەلەن, وسى جىلدىڭ سەگٸز ايىندا ٶڭٸردەن 330 توننادان استام ٸرٸ قارا مال مەن قوي ەتٸ جەنە «ورداباسى قۇس» جشس سوماسى 1 ملرد. 708 ملن. تەڭگە بولاتىن 2 485 توننا كٷركە تاۋىق ەتٸن الىس-جاقىن شەتەلدەرگە ەكسپورتتاعان. ٶڭٸردٸڭ ەكسپورتتىق ەلەۋەتٸن ارتتىرۋ بويىنشا يران يسلام رەسپۋبليكاسىنا جٷگەرٸ مەن قوي ەتٸن تاسىمالداۋ مەسەلەسٸ بويىنشا قارقىندى جۇمىستار جٷرگٸزٸلٸپ جاتسا, بٷگٸندە ساۋد ارابييا, باە مەن يراك مەملەكەتتەرٸنە قوي ەتٸن ەكسپورتتاۋ بويىنشا الدىن-الا كەلٸسٸمدەر بار.
بۇل باعىتتاعى جۇمىستار ەلباسىنىڭ ۇلت جوسپارى - بەس ينستيتۋتسيونالدىق رەفورماسىن جٷزەگە اسىرۋدىڭ 100 ناقتى قادامىنىڭ 61-قادامىندا كٶرسەتٸلگەن ەت ٶندٸرٸسٸ مەن ٶڭدەۋدٸ دامىتۋ ٷشٸن ستراتەگييالىق ينۆەستورلاردى تارتۋ بويىنشا اتقارىلعان جۇمىستاردىڭ نەتيجەسٸ بولماق.
ايتا كەتەيٸك, 2016 جىلى وبلىستان ەتكە 6 700 باس ۇساق مال, 400 باس ٸرٸ قارا مال مەن 200-گە تارتا جىلقى ەتٸ ەكسپورتتالدى. ونىڭ ٸشٸندە «قايىپ اتا» جشس بٸرٸككەن اراب ەمٸرلٸگٸنٸڭ MYCo Trading FZE كومپانيياسىمەن بٸرلەسە وتىرىپ 2000 باس قويدى فۋدجەيرا قالاسىنا جەتكٸزگەن. سونىمەن قاتار, جىلىنا 3 مىڭ توننا قوي ەتٸن ەكسپورتتاۋ بويىنشا يراندىق GO HARD TALAYI PASARGAD كومپانيياسىمەن كەلٸسٸم-شارت تٷزٸلگەن.
جالپى وڭتٷستٸك قازاقستان وبلىسىندا مال شارۋاشىلىعى باعىتىندا ٶسٸم بايقالادى. مەسەلەن, ٸرٸ قارا مالدىڭ سانى ٶتكەن جىلدىڭ تيٸستٸ كەزەڭٸمەن سالىستىرعاندا 5,9 پايىزعا ارتىپ 925,6 مىڭ باستى, قوي مەن ەشكٸ 1,2 پايىزعا ارتىپ 4 ملن. 092 مىڭ باستى, جىلقى 19,7 پايىزعا كٶبەيٸپ 285 مىڭ باستى, تٷيە 6,8 پايىزعا, ياعني, 25,5 مىڭ باستى, ال قۇس سانى 2,3 پايىزعا كٶبەيٸپ 2,5 ملن باستى قۇراعان.
