قر ستراتەگييالىق جوسپارلاۋ جەنە رەفورمالار جٶنٸندەگٸ اگەنتتٸكتٸڭ ۇلتتىق ستاتيستيكا بيۋروسىنىڭ باسشىسى نۇربولات ايداپكەلوۆ ۇلتتىق حالىق ساناعى دەستٷرلٸ فورماتتا قالاي جٷرگٸزٸلەتٸنٸن تٷسٸندٸردٸ, دەپ حابارلايدى قازاقپارات.
«ساناق سۇراقتارىنا ونلاين رەجيمدە جاۋاپ بەرگەندەر ساناقتان ٶتكەنٸ تۋرالى حابارلامانى كٶرسەتەدٸ. ينتەرۆيۋەر تۇرعىن ٷيدەگٸ بارلىق ادامدار ساناقتان ٶتكەنٸنە كٶز جەتكٸزگەننەن كەيٸن, ٶز ۋچاسكەسٸنٸڭ كەلەسٸ مەكەنجايىنا بارادى. بۇل ۋچاسكەلەر حالىق ساناعىنىڭ 1-30 ماۋسىم ارالىعىندا ٶتكەن بٸرٸنشٸ كەزەڭٸ بارىسىندا قالىپتاستىرىلعان بولاتىن», - دەدٸ ن. ايداپكەلوۆ ورتالىق كوممۋنيكاتسييالار قىزمەتٸندە ٶتكەن بريفينگتە.
ايتا كەتەيٸك, 1 قازاننان باستاپ حالىقتى ساناقپەن تولىق قامتۋ ماقساتىندا جاپپاي ارالاۋ كەزەڭٸ باستالدى. ول 30 قازانعا دەيٸن جالعاسادى.
«قازٸرگٸ ۋاقىتتا رەسپۋبليكا بويىنشا ساناق پەرسونالى رەتٸندە 23 مىڭ ادام جۇمىسقا الىندى. ولاردىڭ ٸشٸندە 2693 نۇسقاۋشى-باقىلاۋشى جەنە 20 مىڭنان استام ينتەرۆيۋەر بار. ەرەكشە اتاپ ٶتەرلٸگٸ, ولاردىڭ بارلىعى 18 جاستان اسقان, COVID-كە قارسى ۆاكتسينا العان, پلانشەت, كومپيۋتەرمەن جۇمىس ٸستەي الاتىن ازاماتتار. بارلىق ينتەرۆيۋەرلەرگە پلانشەتپەن جۇمىس ٸستەۋ, ساۋال سالۋ جٷرگٸزۋ ەدٸستەرٸ بويىنشا وقىتۋ ۇيىمداستىرىلدى. ينتەرۆيۋەردە ساناق لوگوتيپٸ بار كٶك شارف جەنە سٶمكە بولادى. ەلەكتروندىق ساناق پاراقتارى بار پلانشەت, سونداي-اق, بەيدج-كۋەلٸك بەرٸلەدٸ. بۇل كۋەلٸكتە اۋماقتىق ستاتيستيكا دەپارتامەنتٸ باسشىسىنىڭ قولىمەن جەنە مٶرٸمەن راستالعان ينتەرۆيۋەردٸڭ فوتوسۋرەتٸ, تولىق اتى-جٶنٸ بولادى. كۋەلٸكتٸڭ جوعارعى بٶلٸگٸندە تٸركەۋ نٶمٸرٸ كٶرسەتٸلەدٸ. بۇل نٶمٸردٸ sanaq.gov.kz سايتىندا «ينتەرۆيۋەردٸ ٸزدەۋ» جولاعىنا ەنگٸزۋگە بولادى, سودان كەيٸن سايتتا ينتەرۆيۋەردٸڭ دەرەكتەرٸ كٶرسەتٸلەدٸ. سونداي-اق, ينتەرۆيۋەردٸڭ جەكە باسىن 1446 نٶمٸرٸنە قوڭىراۋ شالۋ ارقىلى دا تەكسەرۋگە بولادى», - دەپ تٷسٸندٸردٸ سپيكەر.
