ونلاين وقۋ – اۋىل جاستارى ٷشٸن جاڭا مٷمكٸندٸك. بۇل تۋرالى بٷگٸن ەلوردادا ٶتكەن اۋىل جاستارىنىڭ II رەسپۋبليكالىق فورۋمىندا قازاق تٸلٸ مەن ەدەبيەتٸ پەنٸنٸڭ مۇعالٸمٸ, ۆولونتەر اراي قاراتاەۆا ايتتى, دەپ حابارلايدى قازاقپارات.
«بٸز تەۋەلسٸزدٸكپەن بٸرگە ٶسٸپ-ٶنگەن جاستارمىز. مەملەكەت تاراپىنان جاستارعا قولداۋ كٶرسەتٸلٸپ, جەكە دامۋىنا جاعداي جاسالسا ەكەن. جاستاردىڭ ٶزٸ وقىعان ماماندىعى بويىنشا تابىس كٶزٸ از, سوندىقتان ماماندىعى بويىنشا جۇمىس ٸستەگٸسٸ كەلمەيدٸ. تٸپتٸ ماماندىق بويىنشا جۇمىسقا تۇرعىسى كەلسە دە جۇمىس ٶتٸلٸ بولۋىن تالاپ ەتەدٸ, ال وقۋدى ەندٸ عانا بٸتٸرگەن جاستا جۇمىس ٶتٸلٸ قايدان بولسىن? وسى ورايدا جاستار تاراپىنان ۇسىنىس: اۋىل شارۋاشىلىعى ماماندارىنىڭ اۋىلعا بارىپ جۇمىس ٸستەيتٸن باعدارلاماسى ەزٸرلەنسە دەيمٸز», - دەيدٸ «اۋىل» پارتيياسى جاستار قاناتىنىڭ مٷشەسٸ امان ەمٸرحانوۆ.
«اۋىل» پارتيياسى قاراعاندى وبلىسى بويىنشا ٶڭٸرلٸك فيليالىنىڭ جاستار قاناتىنىڭ بەلسەندٸسٸ, قازاق تٸلٸ مەن ەدەبيەتٸ پەنٸنٸڭ مۇعالٸمٸ اراي قاراتاەۆا ونلاين وقۋ – اۋىل جاستارى ٷشٸن جاڭا مٷمكٸندٸك ەكەنٸن ايتتى.
«كارانتين كەزٸندە ەگدە جاستاعى ۇستازدار ٷشٸن جاڭا تەحنولوگييالاردى قولدانۋ قيىن بولدى. ۋاقىت ٶتە كەلە ٷيرەندٸ. قالادا وقيتىندار ٷشٸن قيىندىق بولعان جوق, سەبەبٸ قالادا ينتەرنەت جەلٸسٸ جاقسى جۇمىس ٸستەيدٸ. قالادا وقيتىن وقۋشىلاردىڭ 90%-ى قوسىمشا بٸلٸمگە جٷگٸنەدٸ, ال اۋىلدا ونداي مٷمكٸندٸك جوق. قاراعاندى وبلىسى جاستارى وسىنداي مەسەلەنٸ شەشۋ ٷشٸن جالپىۇلتتىق جوبانى قولعا الدىق. ماقساتىمىز – اۋىلداعى وقۋشىلاردى كومپيۋتەرلٸك ساۋاتتىلىققا, اعىلشىن تٸلٸندە جاقسى سٶيلەۋگە ٷيرەتۋ جەنە ۇبت-عا دايىنداۋ. وسى تەجٸريبەدە ونلاين وقىتۋدىڭ تيٸمدٸلٸگٸن بايقادىق. وسى جوبا بويىنشا وبلىسىمىزدا 93 ۆولونتەر وقىتۋشى جۇمىس ٸستەپ جاتىر. 743 اۋىل وقۋشىسى وسى جوبادا جٷيەلٸ تٷردە بٸلٸم الۋدا. ونلاين وقىتۋدى پايدالانىپ اۋىل جاستارىنىڭ بٸلٸم ساپاسىن كٶتەرۋگە بولادى», - دەيدٸ ول.
