ۆاكتسينالاۋ ناۋقانى باستالعاننان بەرٸ «سق-فارماتسييا» بٸرىڭعاي ديستريبيۋتەرٸ ٶڭٸرلەرگە 4,4 ملن دوزا ەكپە جەتكٸزگەن, دەپ حابارلايدى قازاقپارات.
بۇل تۋرالى كومپانييانىڭ باسقارما تٶراعاسى ەرحات ەسقاليەۆ ورتالىق كوممۋنيكاتسييالار قىزمەتٸندە ٶتكەن بريفينگٸدە ايتتى.
«سق-فارماتسييا» جشس بٸرىڭعاي ديستريبيۋتور رەتٸندە تەگٸن مەديتسينالىق كٶمەكتٸڭ كەپٸلدەندٸرٸلگەن كٶلەمٸ مەن مٸندەتتٸ مەديتسينالىق ەلەۋمەتتٸك ساقتاندىرۋ جٷيەسٸ شەڭبەرٸندە مەديتسينالىق ۇيىمدار مەن رەسپۋبليكا حالقىن دەرٸلٸك زاتتارمەن قامتاماسىز ەتٸپ وتىر. 2020 جىلدىڭ 1 قاڭتارىنان باستاپ مەمس ەنگٸزٸلۋٸمەن 700 مىڭعا جۋىق ساقتاندىرىلعان حالىق امبۋلاتورييالىق دەڭگەيدە تەگٸن دەرٸ-دەرمەك الدى», - دەدٸ «سق-فارماتسييا» باسشىسى.
سونداي-اق, كوروناۆيرۋسقا قارسى ۆاكتسينانىڭ تٶرت تٷرٸن تاڭداۋ مٷمكٸندٸگٸ بار ەكەنٸن ەسكە سالدى.
«سپۋتنيك V» ۆاكتسيناسىنىڭ 10 ميلليون 280 مىڭ دوزاسى ساتىپ الىندى, ونىڭ ٸشٸندە اعىمداعى جىلدىڭ 1 اقپانىنان باستاپ ٶڭٸرلەرگە بٸرٸنشٸ كومپونەنتتٸڭ 1,9 ملن دوزاسى جەنە ەكٸنشٸ كومپونەنتتٸڭ 14 ملن. دوزاسى جٶنەلتٸلدٸ. 10 ماۋسىمعا دەيٸن بٸرٸنشٸ كومپونەنتتٸڭ 1 ملن 200 مىڭ دوزاسىن جەنە ەكٸنشٸ كومپونەنتتٸڭ 525 مىڭ دوزاسىن جٶنەلتۋ اياقتالادى», - دەگەن ەرحات ەسقاليەۆ QazVac ۆاكتسيناسىنىڭ 2 ملن دوزاسىن ساتىپ العانىن ايتتى.
«ٶڭٸرلەرگە وتاندىق ۆاكتسينانىڭ 100 مىڭ دوزاسى جەتكٸزٸلدٸ. كەلەسٸ جەتكٸزٸلٸم ماۋسىم ايىنىڭ سوڭىنا دەيٸن جوسپارلانعان. Hayat-Vax-تىڭ 1 ملن دوزاسى ساتىپ الىندى جەنە ٶڭٸرلەرگە جٶنەلتٸلدٸ. بۇدان باسقا, Sinovac Biotech كومپانيياسى ٶندٸرەتٸن Coronavac ۆاكتسيناسىنىڭ 500 مىڭ دوزاسى ساتىپ الىندى. ٶڭٸرلەرگە 12 ماۋسىمنان كەيٸن جٶنەلتٸلەدٸ», - دەدٸ بٸرىڭعاي ديستريبيۋتەر باسشىسى.
ەرحات ەسقاليەۆتٸڭ مەلٸمەتٸنشە, بٷگٸنگٸ تاڭدا ٶڭٸرلەرگە COVID-19 ۆاكتسيناسىنىڭ 4 ملن 400 دوزاسى جەتكٸزٸلگەن.
«ۆاكتسينالاردى ايماقتارعا بٶلۋ دەنساۋلىق ساقتاۋ مينيسترلٸگٸ سانيتارلىق-ەپيدەميولوگييالىق باقىلاۋ كوميتەتٸنٸڭ تاپسىرىسى بويىنشا جٷزەگە اسىرىلادى», - دەدٸ «سق-فارماتسييا» باسشىسى.
