ٶڭٸرلەردەگٸ 220-دان استام بٸلٸم سالاسىندا شەشٸم قابىلداۋ ورتالىعىنىڭ 17-سٸ عانا قالادى. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى قازاقپارات.
«بۇل مەسەلەنٸ بٸرنەشە رەت تالقىلاعان بولاتىنبىز. تەك قانا وبلىستىق بٸلٸم باسقارماسى دەڭگەيٸندە عانا ەمەس, اۋداندىق, قالالىق بٸلٸم بٶلٸمدەرٸنٸڭ باسشىلارى دا قاتىستى جەنە سٸزدەر كەلٸسۋ ٷشٸن ارنايى جوبانى دا جولدادىق. بۇل مەسەلە مەملەكەت باسشىسىنىڭ جولداۋدا بەرگەن تاپسىرماسىنىڭ اياسىندا ٸسكە اسىرىلىپ جاتىر. ٶتە ماڭىزدى رەفورما. جالپى ساراپشىلار كٶپتەن بەرٸ وسى مەسەلەنٸ كٶتەرٸپ جٷرگەنٸن بٸلەسٸزدەر. ەڭ باستى ماقسات – بٸلٸم ساپاسىن ارتتىرۋ, بٸرٸزدٸلٸكپەن قارجىلاندىرۋ جەنە باسقارۋ پروبلەمالارىن شەشۋ. مۇنىڭ الدىندا ٶڭٸرلەردە شەشٸم قابىلداۋ ورتالىقتارى 220-دان استام بولسا, ەندٸ مۇنان كەيٸن كەلەسٸ جىلدىڭ 1 قاڭتارىنان باستاپ 17 بولادى. جالپى بيۋدجەت تە وبلىس دەڭگەيٸندە ورتالىقتاندىرىلادى. وبلىستىق بيۋدجەتتەن مەكتەپتەر, بالاباقشالار قارجىلاندىرىلادى», - دەدٸ مينيستر ۆەدومستۆونىڭ اپپارات جينالىسىندا.
ونىڭ اتاپ ٶتۋٸنشە, بۇل ماتەريالدىق-تەحنيكالىق بازانى نىعايتۋعا, اپاتتى جاعدايداعى, ٷش اۋىسىمدى مەكتەپتەردٸ جەنە بٸلٸم سالاسىنداعى باسقا دا پروبلەمالاردى شەشۋگە سەپتٸگٸن تيگٸزەتٸن بولادى.
«ەندٸ مۇنى دۇرىستاپ, كەزەڭ-كەزەڭٸمەن جٷزەگە اسىرۋ كەرەك. كەلەسٸ جىلعى بيۋدجەتتٸ اۋداندىق دەڭگەيدەن وبلىستىق دەڭگەيگە بەرگەن كەزدە ەرتٷرلٸ پروبلەمالار بولماۋى ٷشٸن قازٸردەن باستاپ بٸلٸم باسقارمالارى باقىلاۋىنا الۋى كەرەك. بٸرنەشە رەت جينالىس ٶتكٸزٸلدٸ. ٶڭٸرلەر بۇل مەسەلەنٸ بٸلەدٸ. باقىلاۋدا ۇستاۋ كەرەك», - اسحات ايماعامبەتوۆ.
