قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەت وتىرىسىندا ەلٸمٸزدٸڭ 2020 جىلعى قاڭتار-قازانداعى ەلەۋمەتتٸك-ەكونوميكالىق دامۋ قورىتىندىسى جەنە رەسپۋبليكالىق بيۋدجەتتٸڭ اتقارىلۋى قارالدى, دەپ حابارلايدى primeminister.kz سايتى.
"2020 جىلدىڭ ون ايىنىڭ قورىتىندىسى بويىنشا ەكونوميكانىڭ ناقتى سەكتورى وڭ ٶسٸم قارقىنىن كٶرسەتۋدە. ٶڭدەۋ ٶنەركەسٸبٸندە 3,2%-عا, ونىڭ ٸشٸندە ازىق-تٷلٸك ٶنٸمدەرٸ ٶندٸرٸسٸندە 3,4%-عا, فارماتسەۆتيكادا 39,7%-عا, دايىن مەتالل بۇيىمدارى ٶندٸرٸسٸندە 19,5%-عا, ماشينا جاساۋدا 16,5%-عا, ونىڭ ٸشٸندە اۆتوموبيل جاساۋدا 53,6%-عا, سونداي-اق قاعاز ٶندٸرٸسٸندە 15%-عا جەنە جەڭٸل ٶنەركەسٸپتە 16,4%-عا ٶسٸم قامتاماسىز ەتٸلدٸ.
قۇرىلىس كٶلەمٸ 10,7%-عا, تۇرعىن ٷيدٸ پايدالانۋعا بەرۋ 9,7%-عا نەمەسە شامامەن 10,7 ملن شارشى مەترگە ۇلعايدى. اۋىل شارۋاشىلىعىندا 5,2%-عا تۇراقتى ٶسٸم قامتاماسىز ەتٸلدٸ. قر التىن-ۆاليۋتا رەزەرۆتەرٸ مەن ۇلتتىق قوردىڭ اكتيۆتەرٸ بيىلعى 1 قازاندا $91,1 ملرد قۇرادى", دەدٸ مامين.
ونىڭ ايتۋىنشا, تەمٸر كەنٸن (+1%) جەنە ٶزگە دە پايدالى قازبالاردى (+0,7%) ٶندٸرۋ سەكٸلدٸ تاۋ-كەن سەكتورىنىڭ ماڭىزدى باعىتتارى بويىنشا وڭ ديناميكا ساقتالۋدا. بۇل رەتتە وپەك+ قول جەتكٸزٸلگەن ۋاعدالاستىقتاردى ورىنداۋ قاجەتتٸلٸگٸ جاعدايىندا مۇناي ٶندٸرۋدٸڭ تٶمەندەۋٸ (-4,3%) بايقالادى.
كارانتيندٸك شارالاردىڭ بولۋى جەنە كٷشەيتٸلۋٸ قىزمەت كٶرسەتۋ سالاسىنا دا ەسەر ەتۋدە (-6,1%). سونىمەن قاتار سەكتور كٶرسەتكٸشتەرٸ بٸرتٸندەپ تۇراقتانىپ كەلەدٸ.
"اقمولا, تٷركٸستان, الماتى, جامبىل, قوستاناي, ماڭعىستاۋ, پاۆلودار, سولتٷستٸك قازاقستان وبلىستارى جەنە شىمكەنت قالاسى نەگٸزگٸ 8 كٶرسەتكٸشتٸڭ 5-ٸ بويىنشا ەلەۋمەتتٸك-ەكونوميكالىق دامۋ ٶسٸمٸن قامتاماسىز ەتتٸ. 4 كٶرسەتكٸش بويىنشا اقتٶبە, شىعىس قازاقستان, قاراعاندى وبلىستارىندا, نۇر-سۇلتان جەنە الماتى قالالارىندا وڭ ديناميكاعا قول جەتكٸزٸلدٸ" - دەدٸ ول.
ٷكٸمەت باسشىسى ٶڭٸرلەردٸڭ ەكٸمدەرٸنە ەلەۋمەتتٸك-ەكونوميكالىق دامۋدىڭ جوسپارلانعان كٶرسەتكٸشتەرٸنە قول جەتكٸزۋ جەنە مەملەكەت باسشىسى العا قويعان مٸندەتتەردٸ تيٸمدٸ ٸسكە اسىرۋ ٷشٸن بارلىق شارالاردى قابىلداۋدى تاپسىردى.
پرەمەر-مينيستر رەسپۋبليكالىق بيۋدجەتتٸڭ كٸرٸس بٶلٸگٸن قامتاماسىز ەتۋ بويىنشا شارالار قابىلداۋ, سونداي-اق مەملەكەتتٸك ورگاندار مەن ەكٸمدٸكتەردٸڭ جىل سوڭىنا دەيٸن بيۋدجەت قاراجاتىن تولىق ەرٸ تيٸمدٸ يگەرۋٸ قاجەتتٸگٸنە نازار اۋداردى.
ايتا كەتەيٸك, جيىندا ەكونوميكانىڭ, بانك سالاسىنىڭ جاي-كٷيٸ, رەسپۋبليكالىق بيۋدجەتتٸڭ اتقارىلۋى, مەملەكەتتٸك ساتىپ الۋداعى جەرگٸلٸكتٸ قامتۋ تۋرالى ۇلتتىق ەكونوميكا مينيسترٸ ر. دەلەنوۆ, ۇلتتىق بانك تٶراعاسى ە. دوساەۆ, قارجى مينيسترٸ ە. جاماۋباەۆ, ٶنەركەسٸپ پەن ەنەرگەتيكا سەكتورىنداعى احۋال تۋرالى يندۋسترييا جەنە ينفراقۇرىلىمدىق دامۋ مينيسترٸ ب. اتامقۇلوۆ جەنە ەنەرگەتيكا مينيسترٸ ن. نوعاەۆ, اگروٶنەركەسٸپتٸك كەشەندەگٸ جاعداي تۋرالى اۋىل شارۋاشىلىعى مينيسترٸ س. وماروۆ, ٶڭٸرلەردەگٸ احۋال تۋرالى اقمولا وبلىسىنىڭ ەكٸمٸ ە. مارجىقپاەۆ, قاراعاندى وبلىسىنىڭ ەكٸمٸ ج. قاسىمبەك, شىمكەنت قالاسىنىڭ ەكٸمٸ م. ەيتەنوۆ, باتىس قازاقستان وبلىسىنىڭ ەكٸمٸ ع. ەسقاليەۆ باياندادى.
