قر باس مەملەكەتتٸك ەڭبەك ينسپەكتورى تٶلەگەن وسپانقۇلوۆ ٶندٸرٸستە جاراقات العان ادامعا جۇمىس بەرۋشٸ قانداي ٶتەماقى تٶلەۋگە مٸندەتتٸ ەكەنٸن تٷسٸندٸردٸ, دەپ حابارلايدى قازاقپارات.
«قازاقستان رەسپۋبليكاسىنىڭ زاڭى بويىنشا, ەر جۇمىس بەرۋشٸ قول استىنداعى جۇمىسشىلاردىڭ بەرٸن مٸندەتتٸ تٷردە قايعىلى جاعدايلاردان ساقتاندىرۋ كەرەك. بٸراق كەيبٸر مەكەمەلەر ٶز جۇمىسشىلارىنا مٸندەتتٸ ساقتاندىرۋ جاسامايدى», - دەدٸ ول ورتالىق كوممۋنيكاتسييالار قىزمەتٸندە ٶتكەن بريفينگٸدە.
ونىڭ سٶزٸنشە, جۇمىسشىلارىن ٶندٸرٸستٸك جاراقاتتاردان ساقتاندىرۋ جۇمىس بەرۋشٸلەردٸڭ ٶزدەرٸ ٷشٸن تيٸمدٸ.
«جۇمىسشىلارىن ٶندٸرٸستٸك جاراقاتتاردان ساقتاندىرماعان مەكەمەلەردٸڭ باسشىلارى ازاماتتىق كودەكستٸڭ 938-بابى بويىنشا ەڭبەك ورنىندا زارداپ شەككەن جۇمىسشىنىڭ دەنساۋلىعى مەن ەلەۋمەتتٸك جاعدايىنا قاراي ونىڭ ەمدەلۋ شىعىندارى مەن ەلەۋمەتتٸك مٸندەتتەمەلەرٸن موينىنا الادى. قانداي دەرٸ-دەرمەك كەرەك, ونىڭ اسىراۋىندا ادامدار بولدى ما, وسىنىڭ بەرٸنا كەرەكتٸ قاراجاتتى جۇمىس بەرۋشٸ ٶزٸ تٶلەيدٸ.
ال جۇمىس بەرۋشٸ جۇمىسشىلاردى ساقتاندىرعان بولسا, مٸندەتتەمەلەردٸڭ بەرٸ ساقتاندىرۋ كومپانييالارىنا جٷكتەلەدٸ», - دەدٸ تٶلەگەن وسپانقۇلوۆ.
