QR Bas memlekettik eńbek inspektory Tólegen Ospanqulov óndiriste jaraqat alǵan adamǵa jumys berýshi qandai ótemaqy tóleýge mindetti ekenin túsindirdi, dep habarlaidy QazAqparat.
«Qazaqstan Respýblikasynyń zańy boiynsha, ár jumys berýshi qol astyndaǵy jumysshylardyń bárin mindetti túrde qaiǵyly jaǵdailardan saqtandyrý kerek. Biraq keibir mekemeler óz jumysshylaryna mindetti saqtandyrý jasamaidy», - dedi ol ortalyq kommýnikatsiialar qyzmetinde ótken brifingide.
Onyń sózinshe, jumysshylaryn óndiristik jaraqattardan saqtandyrý jumys berýshilerdiń ózderi úshin tiimdi.
«Jumysshylaryn óndiristik jaraqattardan saqtandyrmaǵan mekemelerdiń basshylary Azamattyq kodekstiń 938-baby boiynsha eńbek ornynda zardap shekken jumysshynyń densaýlyǵy men áleýmettik jaǵdaiyna qarai onyń emdelý shyǵyndary men áleýmettik mindettemelerin moinyna alady. Qandai dári-dármek kerek, onyń asyraýynda adamdar boldy ma, osynyń bárina kerekti qarajatty jumys berýshi ózi tóleidi.
Al jumys berýshi jumysshylardy saqtandyrǵan bolsa, mindettemelerdiń bári saqtandyrý kompaniialaryna júkteledi», - dedi Tólegen Ospanqulov.
