تٷركٸستان وبلىسىنىڭ ەكٸمٸ ٶمٸرزاق شٶكەەۆ پەن «قازسۋشار» مەكەمەسٸنٸڭ باسشىلارى بٷگٸن ماقتاارال اۋدانىنداعى سۋ تاسقىنى مەسەلەسٸن رەتتەۋ بويىنشا ٶزبەكستاننىڭ سىردارييا وبلىسىنا اتتانىپ كەتتٸ. بۇل تۋرالى وبلىس ەكٸمٸنٸڭ ورىنباسارى سەكەن قالقامانوۆ كەزەكتٸ بريفينگ بارىسىندا مەلٸمدەدٸ, دەپ حابارلايدى "ۇلت اقپارات".
سەكەن قالقامانوۆتىڭ ايتۋىنشا, قازاقستاننان تاسقىن سۋدى توقتاتۋ بويىنشا بارعان توپ تيٸستٸ مينيسترلٸك ٶكٸلدەرٸمەن كەزدەسٸپ, كەلٸسسٶزدەر جٷرگٸزەدٸ. سۋ بوساتۋ جۇمىستارىن بٸر جٷيەگە كەلتٸرمەك.
«ارنايى توپ ٶزبەكستاننىڭ سۋ مينيسترٸ حامراەۆپەن جەنە سىردارييا وبلىسىنىڭ باسشىلىعىمەن كەزدەسٸپ, كەلٸسسٶزدەر جٷرگٸزەدٸ. بۇل كەزدەسۋدٸڭ نەتيجەسٸن بٸز قوسىمشا حابارلايتىن بولامىز. جالپى بۇل جاعداي ەكٸ ەلدٸڭ ٷكٸمەتٸ تاراپىنان تالقىلانىپ, شەشٸلەتٸن بولادى. سوڭعى مەلٸمەت بويىنشا بٷگٸنگٸ كٷنگە دەيٸن اۋدانعا 300 ملن تەكشە مەتردەي سۋ كەلگەن. مۇنداي كٶلەمدەگٸ سۋ العاش رەت بولىپ وتىر. دەسە دە قاۋٸپ ەلٸ سەيٸلگەن جوق دەپ ايتۋعا بولادى. ٶيتكەنٸ ٶزبەكستان تاراپىنان ەلٸ قانشا سۋ كەلەتٸنٸ بەلگٸسٸز. ناقتى اقپارات بٷگٸن عانا بەرٸلەتٸن شىعار, سوندا بٸز بولجام جاساي الامىز. سەبەبٸ ٶزبەكستانمەن سۋ تۋرالى مەلٸمەت الماسۋ بٸر جٷيەگە كەلتٸرٸلمەگەن», - دەدٸ سەكەن قالقامانوۆ.
ونىڭ ايتۋىنشا, فەردوۋسي اۋىلىن تولىقتاي سۋ باسقان. مىرزاكەنت اۋىلىن دا تولىقتاۋ سۋ باسىپ قالماس ٷشٸن بٶگەت سالىنۋدا.
«ماقتاارال اۋدانىندا تاعى سۋ تاسقىنى بولۋى مٷمكٸن دەگەن جەتٸ ەلدٸمەكەن انىقتالىپ, وندا مالدى باسقا جاققا ايدالىپ جاتىر. ال, سۋ باسقان اۋىلداردان 3 115 سيىر, 1 101 جىلقى, 585 قوي, 34 تٷيە كٶشٸرٸلگەن. سۋعا كەتكەن مالدىڭ سانى ەزٸرگە بەلگٸسٸز. بۇل جۇمىستارعا تاسقىن سۋدىڭ ەلٸ دە توقتاماي تۇرعانى قولبايلاۋ بولۋدا. ٶلگەن مال باسىن ساناۋ كەيٸن جٷرگٸزٸلەدٸ.
