تٷركٸستان وبلىسىنىڭ ەكٸمٸ ٶمٸرزاق شٶكەەۆ وبلىس ورتالىعىنداعى ەكٸمشٸلٸك-ٸسكەرلٸك ورتالىعىندا بوي كٶتەرگەن جاڭا نىسانداردى ارالاپ, قۇرىلىس بارىسىن باقىلادى. تٷركٸستان قالاسىندا بيىل جىل سوڭىنا دەيٸن 15 نىساننىڭ قۇرىلىسى اياقتالىپ, پايدالانۋعا بەرٸلمەك, دەپ حابارلايدى "ۇلت اقپارات".
ايماق باسشىسى الدىمەن كونگرەسس ورتالىعى مەن وقۋشىلار سارايىن جەنە ستاديوننىڭ قۇرىلىس جۇمىستارىن ارالاپ شىقتى. بۇل عيماراتتاردا قۇرىلىس جۇمىستارى اياقتالۋعا جاقىن. بٷگٸندە جيھازدارى قويىلىپ, اباتتاندىرۋ جەنە گازوندى تولىقتىرۋ جۇمىستارى جٷرگٸزٸلٸپ جاتىر. سونداي-اق, رۋحاني-مەدەني ورتالىعىنداعى 4 نىساننىڭ دا قۇرىلىس جۇمىستارى اياقتالۋعا جاقىن. دراما تەاتردا بٷگٸنگٸ تاڭدا سىرتقى جەنە ٸشكٸ ەرلەۋ, ينجەنەرلٸك جەلٸلەرٸن مونتاجداۋ جۇمىستارى جٷرگٸزٸلۋدە. قۇرىلىس جۇمىستارىنا 150 ادام جۇمىلدىرىلعان. مەدەني وشاقتىڭ جيھازدارى جاساقتالىپ, زاماناۋي تەاترلىق قۇرالدارى ورناتىلماق. ال, ۇلى دالا ەلٸ ورتالىعى مەن ق.ا.ياسساۋي مۇراجايىندا سىرتقى قاس بەتٸن قاپتاۋ, ينجەنەرلٸك جٷيەلەر, ٸشكٸ ەرلەۋ جۇمىستارى قولعا الىنعان. بۇدان ٶزگە, عىلىمي-ەمبەباپ كٸتاپحاناسىندا سىرتقى رامالارىن ورناتۋ, تەمٸر كونسترۋكتسيياسىن مونتاجداۋ جەنە بەتونداۋ جۇمىستارى, ۆيتراجدار ورناتۋ مەن ٸشكٸ ەرلەۋ جۇمىستارى جالعاسۋدا. مۇندا 50 ادام جۇمىسپەن قامتىلىپ وتىر.
ٶڭٸر باسشىسى ٶمٸرزاق شٶكەەۆ قۇرىلىس باسىندا جاۋاپتى باسشىلارعا جۇمىستى كەستەگە ساي اياقتاپ, عيماراتتاردى تەزدەتٸپ پايدالانۋعا بەرۋدٸ تاپسىردى.
جالپى, تٷركٸستان وبلىسى بويىنشا قۇرىلىس جۇمىستارىنا 9000-نان استام ادام جۇمىلدىرىلعان. قۇرىلىس الاڭىنا اينالعان تٷركٸستان قالاسىندا 4000-نان استام جۇمىسشى ەڭبەكتەنۋدە. ولاردىڭ بارلىق ەڭبەك جاعدايى مەن ساقتىق شارالارى قاتاڭ قاداعالانادى.
