Túrkistan oblysynyń ákimi Ómirzaq Shókeev oblys ortalyǵyndaǵy ákimshilik-iskerlik ortalyǵynda boi kótergen jańa nysandardy aralap, qurylys barysyn baqylady. Túrkistan qalasynda biyl jyl sońyna deiin 15 nysannyń qurylysy aiaqtalyp, paidalanýǵa berilmek, dep habarlaidy "Ult aqparat".
Aimaq basshysy aldymen Kongress ortalyǵy men Oqýshylar saraiyn jáne stadionnyń qurylys jumystaryn aralap shyqty. Bul ǵimarattarda qurylys jumystary aiaqtalýǵa jaqyn. Búginde jihazdary qoiylyp, abattandyrý jáne gazondy tolyqtyrý jumystary júrgizilip jatyr. Sondai-aq, rýhani-mádeni ortalyǵyndaǵy 4 nysannyń da qurylys jumystary aiaqtalýǵa jaqyn. Drama teatrda búgingi tańda syrtqy jáne ishki árleý, injenerlik jelilerin montajdaý jumystary júrgizilýde. Qurylys jumystaryna 150 adam jumyldyrylǵan. Mádeni oshaqtyń jihazdary jasaqtalyp, zamanaýi teatrlyq quraldary ornatylmaq. Al, Uly dala eli ortalyǵy men Q.A.Iassaýi murajaiynda syrtqy qas betin qaptaý, injenerlik júieler, ishki árleý jumystary qolǵa alynǵan. Budan ózge, ǵylymi-ámbebap kitaphanasynda syrtqy ramalaryn ornatý, temir konstrýktsiiasyn montajdaý jáne betondaý jumystary, vitrajdar ornatý men ishki árleý jumystary jalǵasýda. Munda 50 adam jumyspen qamtylyp otyr.
Óńir basshysy Ómirzaq Shókeev qurylys basynda jaýapty basshylarǵa jumysty kestege sai aiaqtap, ǵimarattardy tezdetip paidalanýǵa berýdi tapsyrdy.
Jalpy, Túrkistan oblysy boiynsha qurylys jumystaryna 9000-nan astam adam jumyldyrylǵan. Qurylys alańyna ainalǵan Túrkistan qalasynda 4000-nan astam jumysshy eńbektenýde. Olardyń barlyq eńbek jaǵdaiy men saqtyq sharalary qatań qadaǵalanady.
