ٶمٸر جولى كينوعا بەرگٸسٸز تۇڭعىشباي

فوتو: baq.kz

تۇڭعىشباي جامانقۇلوۆ (ەل-تارازي) — قازاق تەاترى مەن كينو ٶنەرٸنٸڭ ارداگەرٸ. اكتەر, رەجيسسەر جەنە پەداگوگ رەتٸندە ول كٶپ جىلدار بويى ٶنەر الاڭىندا جۇمىس ٸستەپ, ەلٸمٸزدٸڭ مەدەني ٶمٸرٸندە ٶز تاڭباسىن قالدىردى.  Ult.kz تٸلشٸسٸ بولمىسى بٶلەك, ٶمٸرٸ شىتىرمانعا تولى تۇڭعىشباي جامانقۇلوۆتىڭ ٶنەر مەن ٶمٸر جولىن زەرتتەپ كٶردٸ. 

ٶمٸربايانى مەن ٶنەر جولى

تۇڭعىشباي قادىرۇلى جامانقۇلوۆ 1948 جىلى 2 قازاندا جامبىل وبلىسى, بايزاق اۋدانى, اباي اۋىلىندا دٷنيەگە كەلگەن. اكتەرلٸك ٶنەر جولىن ستۋدەنتتٸك كەزٸنەن قازاق دراما تەاترىندا باستادى. 1993-2001 جىلدارى وسى تەاتردىڭ ديرەكتورى ەرٸ كٶركەمدٸك كەڭەستٸڭ تٶراعاسى بولدى. ول «تاماشا» كونتسەرتتٸك ۇجىمىنىڭ العاش ۇيىمداستىرۋشىلاردىڭ بٸرٸ. 1979 جىلدان قازاق ۇلتتىق ٶنەر اكادەميياسىندا اكتەرلٸك شەبەرلٸك بويىنشا ساباق بەرٸپ, جەكە كۋرس جٷرگٸزەدٸ.

اكتەتردٸڭ ٶزٸ ٶنەردەگٸ جولى وڭاي بولماعانىن ايتىپ, “كەيٸپكەرلەرٸمنٸڭ عۇمىرىن كەشتٸم, ٶمٸرٸن سٷردٸم”-دەيدٸ. ول “ەگەمەن قازاقستان” گازەتٸنە بەرگەن سۇحباتىندا ٶنەر جولىنا قالاي كەلگەنٸن ايتىپ بەرگەن. 

“كٸتاپ وقۋعا قۇمارتىپ, پوەزيياعا ەۋەيٸ بولدىم. مەكتەپتە جٷرٸپ ەنگە, دومبىراعا ەۋەستەندٸم. تٸپتٸ كانيكۋل كەزٸندە اۋىلدىق كلۋبتا ەرتٸس تە بولىپ ەۋرەلەندٸك. ودان بۇرىندارى, ەرٸپ تانىماي تۇرىپ تا, كٸرەسٸن شامنىڭ الاكەۋٸم جارىعىنىڭ اينالاسىنا جينالعان اتام-ەجەم, ەكە-شەشەم جىلاپ وتىرىپ تىڭدايتىن ەرتەگٸ-قيسسا, جىرلاردى وقيتىن ەكەمنٸڭ دە كٶز جاسىن سىعىپ وتىرىپ ەندەتەتٸنٸ ەسٸمدٸ الاتىن. «داريعا-قىز», «مىڭ بٸر تٷن», «رٷستەم-داستاننىڭ» شىم-شىتىرىق ۋاقي­­عالارى ۇيىقتاپ كەتكەن مەنٸڭ شىمشىمداپ تٷسٸمە ساپار شەگەتٸن. بٸراق ٶنەرگە بارام دەپ شىنداپ ويلامادىم. ەكەم تەمٸرجولشى بولعاندىقتان با, تەحنيكالىق ماماندىقتى كٶبٸرەك ويلاۋشى ەدٸم. مەسكەۋدەگٸ باۋمان اتىنداعى جوعارعى تەحنيكالىق وقۋ ورنىنا تٷسۋدٸ ارماندادىم, كوسموناۆت بولۋ ٷشٸن ەمەس ەرينە”, - دەيدٸ ول.

"كٶزسٸز عاشىق بولدىم"

نارتاي ارالبايۇلى يۋتۋب ارناسىنا بەرگەن سۇحباتىندا ەرتٸس جەكە ٶمٸرٸ تۋرالى اشىعىن ايتىپتى. ول جۇبايى دەرييا ەبدٸمەلٸكقىزىنىڭ ٶزٸنەن 24 جاس كٸشٸ ەكەنٸن جەتكٸزٸپ, بالالارى تۋرالى دا ەڭگٸمە قوزعاعان. 

"وقۋشىم, ول كەزدە سٶزدٸ ويلايتىن جاعداي بولمادى. مەن ونىڭ (ەيەلٸنٸڭ - رەد.) ەڭبەكقورلىعىنا, وي-پايىمىنا تەنتٸ بولدىم. تاپتاۋرىن بولىپ كەتكەن سٶزبەن ايتساق, كٶزسٸز عاشىق بولدىم. بەلدٸ بۋدىم دا, وسى شەشٸمگە باردىم. الدىندا ٶمٸرٸمنٸڭ بەرٸ جاقسى ەدٸ دەمەي-اق قويايىن. بٸراق, ونىڭ ماعان دەگەن ٷلكەن سىيلاستىعى سەزٸمگە اينالدى. بٸز جاسىرىن جٷرۋگە قورقىپ, اشىق كەتتٸك. ماعان بٸرەۋ "اتاعىڭىز بار, قىزىقسىز. سٸزدەن ەكٸ مٷشەل كٸشٸ, ونى جاقسى كٶرسەڭٸز كٶڭٸلدەس بولىپ جٷرە بەرمەدٸڭٸز بە?" دەدٸ. مەن "كٶڭٸلدەس بولا المايمىن. مەن تەك كٷيەۋ بولا الامىن" دەپ اۋزىن جاپتىم. قۇدايعا شٷكٸر, ەكٸ ۇل, بٸر قىزىم بار. ٷلكەن ۇلىم مەسكەۋدە ۋنيۆەرسيتەت بٸتٸرٸپ كەلدٸ. ەكٸنشٸ ۇلىم تٸس دەرٸگەرٸ ماماندىعىن وقىپ جاتىر. قىزىم 10 سىنىپتا", - دەدٸ تۇڭعىشباي جامانقۇلوۆ.

فوتو:stan.kz

تەاتر مەن كينو ٶنەرٸندەگٸ ورنى

ٶنەر ەلەمٸندە تۇڭعىشباي جامانقۇلوۆتىڭ رٶلدەرٸ ەرەكشە باعالانادى. ول كٶپتەگەن فيلمدە, تەاتردا تٷرلٸ كەيٸپكەردٸ سومداپ, قازاقستاننىڭ كينو مەن تەاتر ٶنەرٸنٸڭ دامۋىنا  ٷلەس قوستى. اكتەر شەبەرلٸك پەن سومداعان رٶلدەرٸ ٷشٸن بٸرقاتار ماراپاتقا دا يە بولدى. مىسالى: "وتىراردىڭ كٷيرەۋٸ" فيلمٸندەگٸ قايىرحان رٶلٸ ٷشٸن 1992 جىلى قازاقستان رەسپۋپليكاسى مەملەكەتتٸك سىيلىعىنىڭ لاۋرەاتى اتاندى. 

تۇڭعىشباي جامانقۇلوۆ تەك اكتەر رەتٸندە عانا ەمەس, رەجيسسەر رەتٸندە دە كٶپ قىرلى ٶنەر ادامى بولىپ تانىلدى. رەجيسسەرلٸك ٸسٸندەگٸ ونىڭ ەڭ تانىمال جۇمىستارىن «قىز جٸبەك», «ەڭلٸك-كەبەك», «ايمان-شولپان» سەكٸلدٸ كلاسسيكالىق شىعارمالاردان كٶرۋگە بولادى. ەر سپەكتاكلدە ۇلتتىق مەدەنيەتتٸ ساقتاي وتىرىپ, ساحنانىڭ زاماناۋي تالاپتارىنا ساي بەينەلەر مەن قويىلىمدار جاسادى. 

ودان بٶلەك, ول تەك ساحنادا عانا ەمەس, بٸلٸم بەرۋ سالاسىندا دا كٶپ ەڭبەك سٸڭٸردٸ. ول جاس اكتەرلەرگە تەاتر ٶنەرٸنٸڭ قىر-سىرىن ٷيرەتٸپ, ولاردىڭ بويىنا شىعارماشىلىق رۋحتى سٸڭٸردٸ. ول ٶز شەكٸرتتەرٸنە اكتەرلٸك شەبەرلٸكتٸڭ نەگٸزدەرٸمەن قاتار, ساحناداعى جاۋاپكەرشٸلٸك پەن ساحنالىق ەتيكانى دا ٷيرەتكەن. بۇل تۋرالى ونىڭ شەكٸرتٸ قازاقستاننىڭ ەڭبەك سٸڭٸرگەن قايراتكەرٸ, اكتەر دۋلىعا اقمولدا, م. ەۋەزوۆ تەاترىنىڭ You tube ارناسىنا بەرگەن سۇحباتىندا ايتىپ بەرگەن:

“تۇڭعىشباي اعا — مەنٸڭ ۇستازىم. ونىڭ ساحناداعى شەبەرلٸگٸ مەن كەسٸبي بٸلٸكتٸلٸگٸ مەنٸ ەردايىم تاڭ قالدىرادى. ول تەك اكتەرلٸك قانا ەمەس, ادامگەرشٸلٸك قاسيەتتەرٸمەن دە ٷلگٸ بولا بٸلدٸ”,- دەگەن دۋلىعا اقمولدا.

ٶنەرتانۋشى, سىنشى, قر ەڭبەك سٸڭٸرگەن قايراتكەرٸ ەلييا بٶپەجانوۆا تۇڭعىشباي جامانقۇلوۆتىڭ ٶنەردەگٸ جەنە تەاترداعى قىزمەتٸن جوعارى باعالاپ, ونىڭ قازاق مەدەنيەتٸنە قوسقان ٷلەسٸن ەرەكشە اتاپ ٶتكەن. ول “تۇڭعىشباي جامانقۇلوۆ تۋرالى بٸرەر سٶز” اتتى ماقالاسىندا ٶنەر اردەگەرٸ تۋرالى جىلى لەبٸزدەرٸن دە بٸلدٸرگەن. 

“كٶرنەكتٸ اكتەر, رەجيسسەر, ٶنەرتانۋشى, ۇستاز, ٷلكەن ٶنەر قايراتكەرٸ دەڭگەيٸنە كٶتەرٸلگەن ت.جامانقۇلوۆتىڭ رەسپۋبليكا تەاتر قايراتكەرلەرٸ وداعىنىڭ تٶراعاسى قىزمەتٸندە اتقارعان جەنە اتقارىپ كەلە جاتقان جۇمىستارى از ەمەس. بيۋدجەتتەن قارجى المايتىن ۇيىمنىڭ جۇمىسى نەگٸزٸنەن دەمەۋشٸلەر قولداۋىمەن جٷرەتٸنٸ بەلگٸلٸ. مەسەلەن, فەستيۆالدار, ونىڭ ٸشٸندە جاس رەجيسسەرلەردٸڭ «دەبيۋت» فەستيۆالٸ, ستسەنوگرافتار كٶرمەلەرٸ, وبلىستىق تەاترلارعا كونسۋلتاتسييالىق كٶمەكتەر, شەبەرلٸك كلاستارى, «تەاتر» جۋرنالىن شىعارۋ, جىل سايىن «ەڭلٸكگٷل» سىيلىعىن بەرۋ, ت.ب. كٶپتەگەن شارالارعا دەمەۋشٸ تابۋدا, ساحنا ٶنەرٸنٸڭ كٶكەيكەستٸ مەسەلەلەرٸن قوعامدا دا, جوعارعى بيلٸك الدىندا دا ٶتكٸر كٶتەرۋدە تٶراعانىڭ ٶنەرگە دەگەن ٷلكەن ماحابباتى, تۇلعالىق بەدەلٸ, ٸسكەرلٸگٸ, كٷش-قاجىرى ەلەۋلٸ رول اتقارادى. شاعىن لەبٸز-ماقالامنىڭ سوڭىندا بٷگٸندە مەرەيلٸ جاسىنا ابىرويمەن, لايىقتى جەتٸپ وتىرعان ٷلكەن تۇلعا تۇقاڭ –تۇڭىشباي جامانقۇلوۆقا ٶمٸرلٸك-ٶنەرلٸك مول قۋانىشتار, شىعارماشىلىق تابىستار تٸلەيمٸن”, -دەپ جازعان ەلييا بٶپەجانوۆا.

فوتو:kino-teatr.ru

ال شەكٸرتٸ, تەاترتانۋشى اسىلبەك ىقسان: 

“تۇڭعىشباي جامانقۇلوۆ ٶزٸنٸڭ ۇزاق جىلدىق تەجٸريبەسٸن عىلىمي نەگٸزدەۋگە كٸرٸستٸ. ونىڭ شەكٸرتتەرٸ ۇستازدارىنىڭ ٸلٸمٸنە سٷيەنە وتىرىپ, قازاق تەاترىنىڭ دامۋىنا ٷلەس قوسۋدا” ,-دەگەن.

قازاقستان رەسپۋبليكاسىنىڭ حالىق ەرتٸسٸ اتاعىن العان تۇڭعىشباي جامانقۇلوۆ حالىق جادىندا كٶپتەگەن داۋلى وقيعالارمەن دە ەستە قالادى. مىسالى اكتەر ٶزٸنٸڭ جامانقۇلوۆ تەگٸن ەل-تارازي دەپ ٶزگەرتۋٸ سول جىلداردا قوعامدا قىزۋ تالقىلانعان. -وۆ, ەۆ, -وۆا سەكٸلدٸ قوسىمشادان قۇتىلعىسى كەلگەن اكتەر تەگٸنە تۋعان جەرٸن قوسقان. بۇل تۋرالى اكتەردٸڭ ٶزٸ:

“قاتىپ قالعان قاعازعا تابىنعان بٸزدٸڭ شەنەۋنٸكتەر -وۆ, -ەۆ-ٸمدٸ الدىرماي قويعان. العاشقى پاتريوتتاردىڭ بٸرٸ بولىپ وسىدان قالاي قۇتىلام دەپ كٶپ ويلاندىم. رۋدىڭ اتىنا بٶلەيٸك دەسەك, بٷكٸل قازاق وعان دايىن تۇر. بەرٸ ارعىني, دۋلاتي, نايماني بولىپ كەتەدٸ. سوسىن قىرىق پىشاق بوپ بٶلٸنٸپ تاعى بەلە بولامىز. ٶيتۋگە تاعى بولمايدى. ەركٸمنٸڭ تۋعان جەرٸ ىستىق قوي. تاراز توپىراعىنىڭ اتىن الايىن دەپ شەشتٸم. سودان ەل-تارازي بولدىم. بۇل جەردە ٶزگەلەردەن وق بويى وزىق بولايىن, ەرەكشەلەنەيٸن, كٶرٸنەيٸن دەگەن ماقسات بولعان جوق. ورىستىڭ -يچ, -وۆ, -ين دەگەنٸنەن قۇتىلۋ ەدٸ بار ويىم. مەنٸڭ تاپقان امالىم وسى بولدى”, – دەگەن بٸر سۇحباتىندا.

ەكٸ مىڭىنشى جىلدىڭ باسى مەن ورتا شەنٸندە تەاتر مەن كينو ارداگەرٸنٸڭ باسى داۋعا كٶپ قالدى. جامانقۇلوۆ 2005 جىلى تٷسٸرٸلگەن “كٶشپەندٸلەر” فيلمٸن سىنادى. بۇل فيلمدە ول حاننىڭ رٶلٸن سومداعان. اكتەر كينو تۋرالى پٸكٸرٸندە, قىرۋار قارجى جۇمسالعان فيلمنٸڭ سەتسٸز شىققانىن, العان گونارارىنا كٶڭٸلٸ تولماعانىن ايتىپ شىققان. 

“«كٶشپەندٸلەردٸ»تٷسٸرگەندە دە قاتەلەستٸك. ول كەزدەگٸ باستى قاتەلٸك, بٸز جٷرۋ ٷشٸن الدىمەن ەڭبەكتەنۋ قاجەت ەكەنٸن ۇمىتىپ جٷگٸرمەكشٸ بولىپ وماقاسا قۇلادىق. كينو تٷسٸرۋدٸڭ قىر-سىرىن مەڭگەرمەي جاتىپ, قازاقتى ەلەمگە تانىتامىز دەپ داراقىلىققا سالىندىق. ارتى نە بولدى? نە تاريح, نە كينو, نە اقشا جوق. باتىرلارىمىزدىڭ تٷرٸ اناۋ. ۇيات”,- دەگەن ول.

فوتو:e-history.kz

ودان كەيٸن جامانقۇلوۆ الماتىداعى م. ەۋەزوۆ تەاترىنىڭ ديرەكتورى بولعان كەزٸندە ۇجىمىندا داۋ شىقتى.  تۇڭعىشباي جامانقۇلوۆ مەرۋەرت ٶتەكەشوۆا, قۇمان تاستانبەكوۆ سىندى بەلدٸ ەرتٸستەردٸ جۇمىستان شىعارعىسى كەلدٸ. مۇنى ول وسى اكتەرلەردٸڭ جاسى كەلگەنٸمەن, تەاترعا جاستاردى تارتۋ كەرەكتٸگٸمەن تٷسٸندٸردٸ. سٶيتٸپ, مەسەلە سوتقا جەتتٸ. كەيٸننەن اكتەرلەر سوتتا تاتۋلاسقان سيياقتى كٶرٸندٸ. ٶيتكەنٸ 2013 جىلى «تۇڭعىشباي ەل-تارازي تارازعا شاقىرادى» اتتى رەسپۋبليكالىق تەاتر فەستيۆالٸندە ٶنەر يەلەرٸ كٶرٸنٸس بەردٸ. 

2016 جىلى اسانەلٸ ەشٸموۆ باستاعان بٸر توپ ٶنەر قايراتكەرلەرٸ سول كەزدەگٸ قازاقستان رەسپۋبليكاسىنىڭ پرەزيدەنتٸ نۇرسۇلتان نازارباەۆتىڭ اتىنا اشىق حات جولدادى. بۇل حاتتا ولار تۇڭعىشباي جامانقۇلوۆ باسقاراتىن قازاقستاننىڭ تەاتر قايراتكەرلەرٸ وداعىن قاتاڭ تەكسەرۋدٸ سۇرادى. حاتقا اسانەلٸ ەشٸموۆ, مەرۋەرت ٶتەكەشوۆا جەنە باسقا دا الماتىلىق جەتٸ ٶنەر قايراتكەرٸ قول قويعان. 

ال, ونىڭ ٶزٸ سول جىلدارى بەرگەن سۇحباتىندا:

“مىنا «ەڭلٸك گٷلدٸڭ» بولىپ جاتقانىنا بيىل جەتٸنشٸ جىل. وسىعان دەيٸن ەلگٸ كٸسٸلەر, راسىندا,  قايدا جٷرگەن? نەگە بىلتىر وسى مەسەلە كٶتەرٸلگەن جوق? ال, اسەكەڭدٸ (اسانەلٸ ەشٸموۆتٸ ايتادى.-رەد) بٸز جىل سايىن شاقىرامىز, ول كٸسٸ كەلمەيدٸ. سونان سوڭ بۇل كٸسٸ وداقتىڭ جۇمىسىنان ەش حابارى جوق. ارالاسپايدى, اتسالىسپايدى. مەنٸڭشە ەلگٸ حاتتىڭ ارتىندا مينيستردٸڭ ٶزٸ تۇرعان سيياقتى”,-دەپ ول حاتتىڭ ارتىندا سول كەزدەگٸ مەدەنيەت مينيسترٸ ارىستانبەك مۇحامەديۇلى تۇرعانىنا مەڭزەيدٸ.

2016 جىلى تۇڭعىشباي جامانقۇلوۆقا قاتىستى قىلمىستىق ٸس قوزعالدى. «فەنيكس» فيلمٸنە بٶلٸنگەن 69 ميلليون تەڭگەنٸ  كينوتۋىندىنىڭ پروديۋسەرٸ جامانقۇلوۆ جىمقىردى دەگەن ايىپ تاعىلدى. اكتەر اتىن اقتاۋعا قانشا تىرىسقانىمەن, سوت جەتٸ جىل مەرزٸمگە شارتتى جازا تاعايىندادى. تۇڭعىشباي جامانقۇلوۆقا كەسٸلگەن جازا 2 ەسە قىسقارتىلىپ 3,5 جىل شارتتى جازا بەرٸلدٸ. ٶنەر ارداگەرٸ سول كەزدەگٸ پرەزيدەنت ن. ەبٸشۇلىنان اراشا سۇراپ بەينەٷندەۋ دە جاساعان. ٶزٸنە قاتىستى ٸستە سول كەزدەگٸ مەدەنيەت مينيسترٸنٸڭ قولى بار دەپ اقتالۋعا تىرىستى. بٸراق 2017 جىلى سوت ٷكٸمٸ كٷشٸنە ەندٸ. 

جامانقۇلوۆ  پەن مۇحامەديۇلى اراسىنداعى كيكٸلجٸڭ

اكتەر مەن ارىستانبەك مۇحامەديۇلىنىڭ اراسىنداعى كيكٸلجٸڭ ەڭلٸك سىدىقوۆانىڭ: "مەدەنيەت مينيسترٸ مەنٸ تٶسەككە سٷيرەدٸ" دەگەن ايىپتاۋىنان كەيٸن ٶرشٸگەن. سوندا تۇڭعىشباي جامانقۇلوۆ اكتريسانى قورعاپ بٸر سۇحباتىندا “ارىستانبەكتٸڭ قىزدارعا قىرىڭدايتىن ەدەتٸ بۇرىننان بار”, دەپ جايىپ سالعان.

2023 جىلى نارتاي ارالبايۇلىنا سۇحبات بەرگەن تۇڭعىشباي جامانقۇلوۆ ارىستانبەك مۇحامەديۇلىمەن ارازدىقتىڭ ودان بۇرىن باستالعانىن ايتىپ بەردٸ. ونىڭ ايتۋىنشا ٶنەر اكادەميياسىندا ۇستازدىق ەتٸپ جٷرگەن تۇڭعىشباي جامانقۇلوۆقا, سول كەزدەگٸ اكادەمييانىڭ رەكتورى بولعان ارىستانبەك مۇحامەديۇلى وقۋعا قابىلداۋ ەمتيحانىنان گرانتقا مٸندەتتٸ تٷردە ٸلٸگۋٸ كەرەك دەپ 11 ادامنىڭ تٸزٸمٸن ۇسىنعان. داۋ وسىدان شىققان. 

«ەمتيحاننان قايتىپ كەلە جاتقانىمدا رەكتوردان قوڭىراۋ كەلدٸ. «سەن نەگە مەنٸڭ ايتقانىمدى ورىندامايسىڭ?» دەدٸ ماعان. «ارەكە, مەن ۋەدە بەرگەندەي ەكٸ ادامدى الدىم. ەرٸ قاراي مٷمكٸندٸك بولمادى. تٸزٸمٸڭدەگٸ بالالار ونشا بولمادى. ۇيات بولادى» دەگەنٸمدٸ تىڭدامايدى. «مەن سەنٸ قۇرتامىن. سەن كٸمسٸڭ سونشا?» دەپ. سونان كەيٸن اشۋلاندىم. «سەن ماعان «سەن» دەپ سٶيلەيسٸڭ. سەنٸڭ قۇلىڭمىن با? مەن قازاقستاننىڭ حالىق ەرتٸسٸ تۇڭعىشباي جامانقۇلوۆ دەگەن اعاڭمىن. دٸكەڭدەمەي سٶزدٸ تىڭداسايشى? بەرٸبٸر قويمادى. مەن دە ەموتسييانىڭ ادامىمىن. تەلەفوننىڭ ارعى جاعىنان «كەتشٸ بار. نا*» دەدٸم ورىسشالاپ. ەرتەسٸنە اكادەميياعا كەلسەم كٸرە المادىم. رەكتور كەلمەپتٸ ەلٸ. بٸر ۋاقىتتا كەلدٸ. ىرعالىپ ماشينادان تٷسٸپ جاتتى. «كەشەگٸ جايىندا تٷسٸنٸسەيٸك» دەپ ەدٸم, اماندىق-ساۋلىق جوق. ماعان بٸر قارادى انالارعا بٸر قارادى دا «مىنانى كٸرگٸزبەڭدەر» دەدٸ. تاعى بوقتادىم شىمكەنتشە. سٶيتتٸم دە كەتٸپ قالدىم», — دەيدٸ تۇڭعىشباي جامانقۇلوۆ.

بۇل سۇحباتىندا اكتەر ٶزٸنە تاعىلعان ايىپ تولىق الىنىپ تاستالعانىن, قازٸردە ەشقانداي شەكتەۋ جوق ەكەنٸن جەتكٸزدٸ. 

تۇڭعىشبايدىڭ بٸربەتكەيلٸگٸنە قاتىستى وقيعالار جەتكٸلٸكتٸ. ويىن تٸكە ايتىپ سالاتىن اكتەر ٶتكەن جىلى اكتريسا جۇلدىز ەبدٸكەرٸموۆانىڭ "اجىراسام" فيلمٸنە بارىپ, كينونى ۇناتپاي كەتٸپ قالعانىن ايتقان. 

"ال ناشار شىعاتىن فيلمدەردٸ مەن "ناشار" دەپ ايتامىن. كٶڭٸلٸنە كەلمەسٸن, قايرات نۇرتاستىڭ كەلٸنشەگٸ "اجىراسام" دەگەن فيلم تٷسٸردٸ. مەنٸ شاقىردى, "اقشالارىن ٶنەرگە جۇمساپ جاتىر" دەپ قۋانىپ باردىم. جۇلدىز - جاقسى اكتريسا. فيلمدٸ جارتىسىنا دەيٸن عانا كٶرە الدىم. جارتىسىنان كەيٸن بىت-شىت بولىپ كەتتٸ. سيۋجەتتٸڭ لينيياسى ٷزٸلٸپ, جانر اداسىپ كەتتٸ. شىم-شىتىرىق بولىپ, ەكٸنشٸ بٶلٸمٸن كٶرە المادىم. مەدەنيەتتٸلٸكتەن شىداپ وتىردىم. سوڭىندا بەرٸ قۇتتىقتايدى عوي. مەن قۇتتىقتاماي كەتٸپ قالدىم. مەنٸڭ سونداي مٸنەزٸم بار. ۇناماسا, تۋعان شەكٸرتٸمنەن دە ٷندەمەي كەتٸپ قالامىن. رەجيسسەر - جاس, كەۋدەسٸ اياققاپتاي. "كينو تٷسٸردٸك" دەپ, ورتادا قوقيلانىپ تۇر. ٶنەر قايدا? ول ٶنەر ەمەس, كينو ەمەس, بٸر بەلە. مەن قارسى شىعامىن, "قۇرت, جوي" دەمەيمٸن. "بۇلارىڭ نە, قاراقتارىم-اۋ" دەگەن ٶكپەمدٸ ايتامىن", - دەگەن تۇڭعىشباي جامانقۇلوۆ:

"بٸزدٸڭ كەزٸمٸزدە كينوعا تٷسۋ ٷشٸن ٷلكەن تالاپ قويىلاتىن. ٶيتكەنٸ رەجيسسەر ول فيلمدٸ تٷسٸرۋدٸ ەمەس, شىعارۋدى ويلادى. ونىڭ ٷلكەن شىعارما بولۋىن ويلادى. ال قازٸر اقشا بولسا, تٷسٸرەدٸ. قالاي بولسا, سولاي بولسىن, اقشا السا بولدى. جاقسى بولىپ شىقسا, اقشا تابا بەرەدٸ. بولماسا, سوعان دا قاناعات. مەن ولاردىڭ مىقتى سۋرەتكەر بولعانىن, كەرەمەت كينو تٷسٸرگەنٸن قالايمىن. بٸراق ەلگٸندەي شالا بولعان كەزدە مۇڭايامىن", - دەدٸ اكتەر.

قازٸردە ٶنەرتانۋ عىلىمدارىنىڭ كانديداتى, پروفەسسور, قازاقستاننىڭ حالىق ەرتٸسٸ, مەملەكەتتٸك سىيلىقتىڭ لاۋرەاتى, جامبىل وبلىسىنىڭ قۇرمەتتٸ ازاماتى, پاراسات جەنە دوستىق وردەندەرٸنٸڭ يەگەرٸ تۇڭعىشباي جامانقۇلوۆ (ەل-تارازي) ٶنەردەگٸ جولىن جالعاستىرىپ, تەاتر سالاسى مەن كينودا جۇمىس اتقارىپ, ٶزٸ سومداعان رٶلدەرٸمەن ٶنەرسٷيەر قاۋىمدى قۋانتۋدا. ونىڭ "پاسپورت" ەنٸنە اينالعان «ٶنەر ادامىندا»: 

«الدىمىزدا جالت-جۇلت ەتٸپ وت شىراق,
ەنە-مٸنە باق قونارداي بوپ تۇرادى.
جالپى ماقتاپ جانى قالماي جاتسا دا,
ەشكٸم بٸزدٸ شىن تٷسٸنگەن جوق, بٸراق...» دەگەندەي تۇڭعىشبايدىڭ بولمىسىن تٷسٸنۋگە ۋاقىت كەرەك...

بويىنداعى دارىنى, ەڭسەلٸ بٸتٸمٸ, قوڭىر داۋىسى مەن مەنمۇندالاپ تۇراتىن مٸنەزٸ ونىڭ كٷردەلٸ دە ەرەكشە بولمىسىنان حابار بەرەدٸ. اكتەر ساحناداعى جارقىن بەينەلەرٸمەن ەلٸ دە كٶرەرمەندٸ قۋانتا بەرەرٸ حاق.