استانا قالالىق سوتىندا زارداپ شەككەن تاراپتىڭ ادۆوكاتى دامير ساندينوۆ ايىپتالۋشى ماليكا مۇحيتوۆادان 14 ملن 753 مىڭ تەڭگە ماتەريالدىق شىعىن ٶندٸرۋدٸ سۇرادى, دەپ حابارلايدى Sputnik قازاقستان تٸلشٸسٸ.
استانا قالاسى ەسٸل اۋدانىنىڭ ەكٸنشٸ قالالىق سوتىندا ولجاس سٷلەيمەنوۆتٸڭ نەمەرەسٸ ەسكەندٸر سٷلەيمەنوۆتٸڭ ٶلٸمٸ بويىنشا سوت وتىرىسى ٶتٸپ جاتىر. پروتسەسس بارىسىندا زارداپ شەككەن تاراپتىڭ ادۆوكاتى دامير ساندينوۆ ايىپتالۋشىدان جالپى سوماسى 14 ميلليون 753 مىڭ تەڭگە ماتەريالدىق شىعىن ٶندٸرۋدٸ سۇرادى.
"سوتتالۋشى مۇحيتوۆا جاساعان قىلمىس سالدارىنان مىناداي مٷلٸكتٸك زييان كەلتٸرٸلدٸ: وقيعا ورنىندا جانىپ كەتكەن 2012 جىلعى موتوتسيكلدٸڭ قۇنى 3 ميلليون 956 مىڭ تەڭگە, جەرلەۋ رەسٸمٸنە كەتكەن شىعىن 7,124 ميلليون تەڭگە, جەرلەۋدٸ ٶتكٸزۋمەن بايلانىستى, سونداي-اق, سوتقا دەيٸنگٸ تەرگەۋگە قاتىسۋعا بايلانىستى كەتكەن شىعىن 2, 542 ميلليون تەڭگە. كەلتٸرٸلگەن زيياننىڭ جالپى سوماسى 14, 752 ميلليون تەڭگەنٸ قۇرايدى", — دەدٸ اۆدوكات.
ەسكە سالا كەتسەك, بەلگٸلٸ اقىن, جازۋشى ولجاس سٷلەيمەنوۆتٸڭ نەمەرەسٸ 27 جاستاعى ەسكەندٸر سٷلەيمەنوۆ استانادا جول اپاتىنان كٶز جۇمعان ەدٸ. جول اپاتى مەڭگٸلٸك ەل – كەرەي جەنٸبەك حاندار كٶشەلەرٸنٸڭ قيىلىسىندا بولعان. جاس جٸگٸت موتوتسيكل جٷرگٸزٸپ كەلە جاتقان. ەسكەندٸر سٷلەيمەنوۆتٸ قىزىلوردا وبلىسى ٸشكٸ ٸستەر دەپارتامەنتٸنٸڭ باستىعى, پوليتسييا پولكوۆنيگٸ قايرات مۇحيتوۆتٸڭ قىزى ماليكا مۇحيتوۆا قاعىپ كەتكەن. 29 جاستاعى ماليكا مۇحيتوۆا ٶتكەن اپتادا ٶتكەن سوت وتىرىسىندا مارقۇمنىڭ اتا-اناسىنان جىلاپ كەشٸرٸم سۇرادى. ٶزٸنٸڭ كٸنەسٸن تولىعىمەن مويىنداپ, زارداپ شەككەن تاراپقا ماتەريالدىق شىعىندى تٶلەۋگە دايىن ەكەنٸن مەلٸمدەدٸ.
ايتۋىنشا, كٶلٸكتٸ 2012 جىلدان بەرٸ جٷرگٸزەدٸ, التى جىل ٸشٸندە بٸردە بٸر رەت جول-كٶلٸك وقيعاسىنا ۇشىراماعان.
ايىپتالۋشى "سامۇرىق-قازىنا" ۇلتتىق كومپانيياسىندا جۇمىس ٸستەيدٸ, تۇرمىس قۇرماعان, بۇرىن سوتتالماعان.
