قوعام قايراتكەرٸ جەنە اقىن ولجاس سٷلەيمەنوۆ "دوستاستىق جۇلدىزدارى" مەملەكەتارالىق سىيلىعىنىڭ لاۋرەاتى اتاندى, دەپ جازادى Sputnik.
تمد گۋمانيتارلىق ىنتىماقتاستىعى مەملەكەتارالىق قورىنىڭ باسپاسٶز قىزمەتٸنٸڭ حابارلاۋىنشا, "دوستاستىق جۇلدىزدارى" – گۋمانيتارلىق سالاداعى جەتٸستٸگٸ ٷشٸن بەرٸلەتٸن تمد-داعى باستى ماراپات.
ماراپاتتاۋ رەسٸمٸ تمد-نىڭ 30 جىلدىعىنا ارنالدى جەنە zoom-فورماتتا ٶتتٸ.
گۋمانيتارلىق سالاداعى ەڭ جوعارى جەتٸستٸكتەرٸ ٷشٸن تمد باس ماراپاتىنىڭ يەگەرٸ قازاقستاندىق قوعام قايراتكەرٸ, اقىن, جازۋشى, ديپلومات جەنە ەدەبيەتتانۋشى, قازاقستاننىڭ ەڭبەك ەرٸ, قازاق كسر حالىق جازۋشىسى, "نەۆادا – سەمەي" انتييادرولىق قوعامدىق قوزعالىسىنىڭ نەگٸزٸن قالاۋشى, يۋنەسكو قامقورلىعىمەن مەدەنيەتتەردٸ جاقىنداستىرۋ حالىقارالىق ورتالىعىنىڭ ديرەكتورى ولجاس سٷلەيمەنوۆ بولدى.
سونداي-اق مەسكەۋ مەملەكەتتٸك حالىقارالىق قاتىناستار ينستيتۋتى رەكتورى, رەسەي عىلىم اكادەميياسىنىڭ اكادەميگٸ اناتوليي توركۋنوۆ, رەسەي-ارميان ۋنيۆەرسيتەتٸنٸڭ رەكتورى ارمەن داربينيان (ارمەنييا), فيزيك-عالىمداردىڭ اۆتورلىق ۇجىمىنان الەكساندر تۋزيكوۆ, سەرگەي زولوتوي جەنە سەرگەي كورەنياكو (بەلورۋس), استروفيزيكا ينستيتۋتىنىڭ ديرەكتورى گٷلچەحرا كوحيروۆا (تەجٸكستان), ۇلتتىق عىلىم اكادەمييالارىنىڭ پرەزيدەنتتەرٸ مۇرات جۇماتاەۆ (قىرعىزستان) جەنە يون تيگينيانۋ (مولدوۆا) يە بولدى.
سونداي-اق سالتاناتتى رەسٸمدە جاستارعا گۋمانيتارلىق سالاداعى جەتٸستٸكتەرٸ ٷشٸن جىل سايىن بەرٸلەتٸن "دەبيۋتتەر دوستاستىعى" سىيلىعى تابىس ەتٸلدٸ. ماراپات تمد-دا ۇلى وتان سوعىسىنداعى جەڭٸستٸڭ 75 جىلدىعى جىلى دەپ جارييالانعان 2020 جىلدىڭ قورىتىندىسى بويىنشا بەرٸلدٸ.
"دەبيۋتتەر دوستاستىعى" مەملەكەتارالىق سىيلىعىنىڭ لاۋرەاتى قازاقستان رەسپۋبليكاسىنىڭ قازٸرگٸ بەينەلەۋ ٶنەرٸندەگٸ ەڭ شىعارماشىل-بەلسەندٸ جاس سۋرەتشٸلەرٸنٸڭ بٸرٸ الماس نۇرعوجاەۆ بولدى.
"دوستاستىق جۇلدىزدارى "مەملەكەتارالىق سىيلىعىن تمد-عا قاتىسۋشى مەملەكەتتەر مەن مەملەكەتتەردٸڭ گۋمانيتارلىق ىنتىماقتاستىعىنىڭ مەملەكەتارالىق قورى 2009 جىلدىڭ 21 مامىرىندا بەكٸتتٸ.
سودان بەرٸ گۋمانيتارلىق سالاداعى ٷزدٸك جەتٸستٸكتەرٸ ٷشٸن بۇل ماراپات جىل سايىن بەرٸلەدٸ.
لاۋرەاتتارعا ديپلوم, قۇرمەت بەلگٸسٸ جەنە كۋەلٸك بەرٸلەدٸ. سىيلىق رەتٸندە 2 ميلليون رەسەي رۋبلٸ تابىستالادى.
