بٷگٸن ٷكٸمەت وتىرىسىنان كەيٸن قر ٸشكٸ ٸستەر مينيسترٸ قالمۇحانبەت قاسىموۆ جۋرناليستەرگە كٶكتەمگٸ سۋ تاسقىنى كەزٸندە بولعان قايعىلى وقيعاعا تٷسٸنٸكتەمە بەردٸ, دەپ حابارلايدى Baq.kz تٸلشٸسٸ.
«كٶكتەمگٸ سۋ تاسقىنى كەزٸندە رەسپۋبليكا بويىنشا ادام ٶلٸمٸ تٸركەلگەن جوق. تيٸستٸ جۇمىستاردىڭ جٷرگٸزٸلۋٸ قايعىلى وقيعالاردىڭ الدىن الۋعا سەپتٸگٸن تيگٸزدٸ. 4 وبلىستا 1936 ٷي سۋ استىندا قالدى», - دەدٸ ول.
الايدا وسى مەزەتتە مينيستردٸڭ سٶزٸن جۋرناليست بٶلدٸ. ول «ال كەشە سۋ تاسقىنىنان اقمولا وبلىسىندا بٸر ەيەل قايتىس بولدى عوي. وسى دەرەك شە?», - دەدٸ قاسىموۆقا.
«تيٸستٸ ساراپتامالىق تەكسەرٸستەر جٷرگٸزٸلدٸ. ول ەيەلدە جٷرەك اۋرۋى بولعان. سۋ باسقان اۋماققا قۇتقارۋشىلار كەلگەن كەزدە ەيەلدٸڭ 2 تەۋلٸك بۇرىن قايتىس بولعاندىعى انىقتالدى», - دەدٸ مينيستر.
ەستەرٸڭٸزدە سالا كەتەيٸك, كەشە باق-تا اقمولا وبلىسىندا سۋ باسقان ٷيلەردٸڭ بٸرٸنەن ەيەل ادامنىڭ ٶلٸ دەنەسٸ تابىلعاندىعى جٶنٸندە اقپارات تاراعان بولاتىن.
