تٷركٸستان وبلىسىندا 17 ادامنىڭ جاس قىزدى زورلاۋ ەرەكەتٸ بويىنشا ٶڭٸردٸڭ باس پوليتسەيٸ پٸكٸر بٸلدٸردٸ. قايرات دەلبەكوۆتىڭ ايتۋىنشا, جەبٸرلەنۋشٸنٸڭ اناسى كٷدٸكتٸلەردەن 8 ميلليون تەڭگە العانىن ٶزٸ حابارلاعان, دەپ حابارلايدى قازاقپارات.
«ەلەۋمەتتٸك جەلٸدە سارىاعاش اۋدانىندا 17 ەر ادامنىڭ قىزدى زورلاعانى تۋرالى اقپارات شىققانى بەلگٸلٸ. وسى اۋدانعا جەكە ٶزٸم بارىپ, قىزدىڭ اناسىمەن جەنە ٶزٸمەن ادۆوكات پەن جۋرناليستٸڭ قاتىسۋىمەن كەزدەستٸم. تەرگەۋ بارىسىندا سوت-مەديتسينالىق ساراپتاما ورتالىعىنىڭ قىزمەتكەرلەرٸ زورلىق-زومبىلىق دەرەگٸن جوققا شىعاردى. سونداي-اق اناسى قىزىنىڭ كيٸمٸن ٶز قولىمەن ٶرتەگەنٸن مويىندادى. وسىعان بايلانىستى ساراپشىلار ساراپتاما جٷرگٸزە المادى. وعان قوسا كٷدٸكتٸلەردەن 8 ميلليون تەڭگە العانىن دا اناسى ٶزٸ حابارلاپ وتىر.
سوندىقتان جىنىستىق قول سۇعىلماۋشىلىعىنا قاتىستى قىلمىستىق ٸستەردٸ تەرگەۋ كەزٸندە تەرگەۋ كٷدٸكتٸلەردٸڭ كٸنەسٸن تەك ساراپتاما نەتيجەلەرٸنە سٷيەنە وتىرىپ انىقتاۋعا بولاتىنىن تٷسٸندٸرگٸم كەلەدٸ. ياعني بۇل ٸستە ساراپتاما اسا ماڭىزدى, سول ارقىلى زورلىق بولعان بولماعانى انىقتالادى.
قازٸر بۇل ٸس تٷركٸستان وبلىستىق پوليتسييا دەپارتامەنتٸ تەرگەۋ باسقارماسىنىڭ ٶندٸرٸسٸندە. ساراپتاما كەشەنٸ تاعايىندالدى. نەتيجەلەرٸ بويىنشا زاڭدى پروتسەسسۋالدىق شەشٸم قابىلداناتىن بولادى», - دەپ جازدى وبلىستىق پوليتسييا دەپارتامەنتٸنٸڭ باستىعى قايرات دەلبەكوۆ.
ەستەرٸڭٸزگە سالا كەتەيٸك, جەبٸرلەنۋشٸنٸڭ اناسى 25 مامىردا پوليتسيياعا 17 جاسار قىزىنىڭ جوعالعانى تۋرالى حابارلاسقان. اتالعان جايت بويىنشا قر قك-نٸڭ 125-بابى «ادامدى ۇرلاۋ» بويىنشا سوتقا دەيٸنگٸ تەرگەۋدٸڭ بٸرىڭعاي تٸزٸلٸمٸنە تٸركەلگەن. سودان كەيٸن پوليتسييا قىزدى بٸر كٷن بويى ٸزدەپ, اتا-اناسىنا قايتارعان. بٸر اپتادان كەيٸن, ياعني 31 مامىردا ەيەل تاعى دا پوليتسيياعا كٷدٸكتٸ ادامدارعا قاتىستى ۇرلاۋ جايتى بويىنشا قىلمىستىق قۋدالاۋدى توقتاتۋ تۋرالى نوتاريالدى كۋەلاندىرىلعان ٶتٸنٸشپەن جٷگٸنگەن.
ال, 10 ماۋسىمدا اۋىل تۇرعىنى قايتادان پوليتسيياعا جٷگٸنگەن. بۇل جولى قىزى جوعالعان كەزدە ونى 17 ەر ادام زورلاعان بولىپ شىققان.
قىلمىستىڭ اۋىرلىعى ەسكەرٸلە وتىرىپ, بۇل حابارلاما بٸردەن قر قك 120-بابى 3-بٶلٸگٸ بويىنشا پوليتسييادا تٸركەلدٸ. ساراپتامالار تاعايىندالعان.
