بٸلٸم جەنە عىلىم مينيسترلٸگٸ مەكتەپكە دەيٸنگٸ جەنە ورتا بٸلٸم دەپارتامەنتٸنٸڭ ديرەكتورى شولپان قارىنوۆا وقۋشىلارعا تٷسەتٸن جٷكتەمەنٸڭ قالاي جەڭٸلدەتٸلەتٸنٸن ايتىپ بەردٸ, - دەپ حابارلايدى "ۇلت اقپارات" Tengrinews.kz اگەنتتٸگٸنە سٸلتەمە جاساپ.
"بعم بۇيرىعى بويىنشا, بٷگٸن وقۋشىلاردىڭ ٷي تاپسىرماسى 150 مينۋتتان اسپايتىن بولدى. سونىمەن قاتار, دەمالىس كٷندەرٸ مەن مەرەكە كٷندەرٸنە كٶركەم مەتٸندەر مەن عىلىمي جوبالاردى ورىنداۋدان ٶزگە ٷي تاپسىرماسى بەرٸلمەيدٸ", - دەدٸ دەپارتامەنت باسشىسى ٷكٸمەت ٷيٸندەگٸ باسپاسٶز مەسليحاتىندا.
ايتا كەتەيٸك, بٸلٸم جەنە عىلىم مينيسترلٸگٸنٸڭ "ٷي تاپسىرمالارىن رەتتەۋ تۋرالى" زاڭى 2017 جىلى قابىلدانعان بولاتىن.
"قازٸرگٸ تاڭدا ٷي تاپسىرمالارىنىڭ ٷشتەن بٸر بٶلٸگٸ قىسقارعان. قۇجات ٸس جٷزٸندە, بيىلعى وقۋ جىلىنىڭ 1 قىركٷيەگٸنەن بۇل جۇمىس نورماتيۆ دەڭگەيدە. بۇل مەسەلەلەر پەداگوگيكالىق ورتادا قىزۋ تالقىلانىپ جاتىر, اقپارات قالا جەنە اۋدانداردىڭ بٸلٸم باسقارمالارىنا تاراتىلدى. بۇل زاڭ لايىقتى دەڭگەيدە جۇمىس ٸستەۋٸ كەرەك. قازٸر وقۋشىلارعا جالپىلاي جٷكتەمەنٸ جەڭٸلدەتۋگە تىرىسىپ جاتىرمىز. سانيتارلىق تالاپتارعا 5 جۇمىس كٷنٸنە سىياتىنداي نورمالار ەنگٸزٸلدٸ", - دەيدٸ قارىنوۆا.
ەسكە سالايىق, نۇرسۇلتان نازارباەۆ قازاقستان حالقىنا جولداۋىندا وقۋشىلاردان جٷكتەمەنٸ الىپ تاستاۋدى تاپسىرعان بولاتىن.
"تمد ەلدەرٸ اراسىندا وقۋشىلارعا سالىناتىن جٷكتەمە بٸزدە ەڭ جوعارعى جەنە ەىدۇ ەلدەرٸندەگٸدەن ٷشتەن بٸر ەسە ارتىق ەكەنٸن ەسكەرە وتىرىپ, ولاردى ازايتۋ كەرەك", - دەگەن ەدٸ ول.
