جاڭا وقۋ جىلىنىڭ العاشقى توقسانىندا وقۋشىلار قانداي فورماتتا بٸلٸم الادى? بٸلٸم جەنە عىلىم مينيسترلٸگٸ مەكتەپكە دەيٸنگٸ جەنە ورتا بٸلٸم كوميتەتٸ تٶراعاسىنىڭ ورىنباسارى جومارت قارامباەۆقا ورتالىق كوممۋنيكاتسييالار قىزمەتٸندە باق ٶكٸلدەرٸ وسىنداي ساۋال قويدى, دەپ حابارلايدى "ۇلت اقپارات".
«بۇل ەپيدەميولوگييالىق جاعدايعا بايلانىستى. شەشٸمدٸ كوروناۆيرۋستى تاراتپاۋ جٶنٸندەگٸ ۆەدومستۆوارالىق كوميسسييا شىعارىپ, ول شەشٸم مەملەكەتتٸك سانيتارلىق دەرٸگەردٸڭ قاۋلىسىمەن بەكٸتٸلەدٸ. ەپيدەميولوگييالىق جاعداي جاقسارعان كەزدە مينيسترلٸك دەستٷرلٸ وقىتۋ فورماتىنا كٶشۋگە دايىن», - دەگەن جومارت قارامباەۆ قالىپتى وقۋ فورماتىنا اۋىسۋ ٷشٸن پەداگوگتەرگە ۆاكتسينا الۋ تالابى قويىلمايتىنىن ايتتى.
«مۇنداي تالاپتار قويىلمايدى, مۇعالٸمدەر ەرٸكتٸ تٷردە ەكپە الىپ جاتىر. ەڭ باستىسى, ۇجىمدىق يممۋنيتەت قالىپتاسۋى كەرەك. سول ٷشٸن ۇستازداردىڭ 100 پايىز ۆاكتسينا العانى جٶن بولار ەدٸ», - دەدٸ ۆەدومستۆو ٶكٸلٸ.
